ក្លឹប West Ham បានដាក់គោលដៅទិញខ្សែប្រយុទ្ធរបស់ Liverpool ឱ្យបាននៅខែមករាដើមឆ្នាំ២០១៧ខាងមុខនេះ ដោយដាក់តម្លៃខ្លួន២៥លានផោន។

Sturridge រដូវកាលនេះមិនសូវបានចូលលេងនោះទេ បើទោះជាមិនមានរបួសក៏ដោយ ក្រោមការដឹកនាំរបស់លោក Jurgen Klopp។ ហេតុដូច្នេះហើយ បានជាខ្សែប្រយុទ្ធរូបនេះអាចនឹងអាចចេញទៅរកក្លឹបថ្មីហើយនៅខែមករាខាងមុខ ដើម្បីបានឱកាសបង្ហាញខ្លួននៅលើទីលាន។ ទន្ទឹមនឹងនេះដែរ ក្លឹប West Ham ក៏បានបង្ហាញការចាប់អារម្មណ៍មកលើកីឡាករអង់គ្លេសរូបនេះដែរ ដោយបានដាក់គោលដៅហើយថានឹងយករូបគេឱ្យបាននៅខែមករាខាងមុខ។

ការចង់បានរបស់លោក Slaven Bilic នេះ គឺអាចនឹងតំឡើងតម្លៃខ្លួនកីឡាកររូបនេះដល់២៥លានផោន ទើបអាចនាំចេញពី Liverpool ហើយ ស្របពេលដែលសាមីខ្លួនក៏បានត្រៀមខ្លួនចាកចេញរួចទៅហើយដែរ។

Sturridge វ័យ២៧ឆ្នាំ បានចំណាយពេល៣រដូវកាលមកហើយជាមួយ Liverpool ដោយមានទាំងរបួសនិងជួយក្រុមរកគ្រាប់បាល់បានខ្លះ ខណៈដែលអតីតកីឡាករ Man City រូបនេះធ្លាប់បញ្ជាក់ថាខ្លួនមានមហិច្ឆតាចង់លើកពាន Premier League ឱ្យបានម្ដង៕