Post News Media ព័ត៌មានបច្ចេកវិទ្យា Huawei P10/ P...

Huawei P10/ P10 Plus ប្រើ RAM ទំហំ 6GB នឹងប្រកាសចេញក្នុងខែមិនា ឬមេសាខាងមុខ

នាយកប្រតិបត្តិផ្នែក Consumer Business Group របស់ក្រុមហ៊ុន Huawei គឺលោក Yu Chengdong បានបង្ហើបឱ្យដឹងនៅថ្ងៃម្សិលមិញថា Huawei P10 និង P10 Plus នឹងប្រកាសចេញក្នុងខែមិនា ឬមេសា ឆ្នាំ ២០១៧ ខាងមុខនេះហើយ ហើយវានឹងបំពាក់អេក្រង់កោង ប៉ុន្តែ សម្រាប់តម្លៃ គឺមិនទាន់ដឹងនៅឡើយទេ។

យោងតាមព័ត៌មានចចាមអារ៉ាមកន្លងមកបានអះអាងថា P10 នឹងប្រើប្រាស់អេក្រង់រាបស្មើធម្មតា ខណ: P10 Plus នឹងប្រើប្រាស់អេក្រង់កោង តែបើតាមព័ត៌មានចចាមអារ៉ាមខ្លះថា P10 ក៏នឹងប្រើប្រាស់អេក្រង់កោងត្រង់គែមសងខាងផងដែរ ហើយវានឹងដំណើរការដោយបន្ទះឈីប HiSilicn Kirn 960 និងបំពាក់អេក្រង់ទំហំ ៥.៥ អ៊ីញ បំពាក់កាមេរ៉ាភ្លោះ ប្រើ RAM ទំហំ 6GB និង ROM ទំហំ 256 GB ហើយដំណើរការដោយប្រព័ន្ធ Android 7.1.1៕
ប្រភពព័ត៌មាន៖ theandroidsoul