យោងតាមរបាយការណ៍ថ្មីមួយដែលទទួលបានពីប្រភពក្រុមហ៊ុនក្នុងប្រទេសកូរ៉េខាងត្បូងផ្ទាល់បានឱ្យដឹងថា ក្រុមហ៊ុន Samsung កំពុងដាក់គោលដៅលក់កំពូលស្មាតហ្វូន Galaxy S ជំនាន់ទី ៨ របស់ខ្លួន ដែលនឹងបង្ហាញវត្តមាននាពេលដ៏ខ្លីខាងមុខ ឱ្យបានដល់ ៦០ លានគ្រឿង ក្នុងឆ្នាំ ២០១៧។

របាយការណ៍នោះបានស្រង់សម្តីពីប្រភពក្រុមហ៊ុនមកថា “ក្រុមហ៊ុនបច្ចេកវិជ្ជាយក្សរបស់កូរ៉េខាងត្បូង បានស្នើដៃគូនានារបស់ខ្លួនធ្វើយ៉ាងណាផ្គត់ផ្គង់គ្រឿងបង្គុំសម្រាប់ស្មាតហ្វូនជំនាន់ថ្មីរបស់ខ្លួនឱ្យបានដល់គ្រប់ចំនួនគោលដៅកំណត់ ៦០ លានគ្រឿង»។

ចំពោះតួលេខនេះ បើប្រៀបធៀបជាមួយជំនាន់មុនៗរបស់វាក្នុងរយ:កាលប៉ុន្មានឆ្នាំចុងក្រោយ គឺខ្ពស់ជាងច្រើនណាស់ ដោយ Galaxy S5 លក់បាន ៤៥ លានគ្រឿង, Galaxy S6 លក់បាន ៤៥ លានគ្រឿង ហើយ Galaxy S7 រំពឹងលក់បាន ៤៨ លានគ្រឿង។ របាយការណ៍ដដែលក៏បានគូសបញ្ជាក់ផងដែរថា Galaxy S8 នឹងប្រកាសចេញក្នុងខែមេសា ក្រោយការចាប់ផ្តើមចង្វាក់ផលិតកម្មទ្រង់ទ្រាយធំក្នុងខែមិនា៕

ប្រភពព័ត៌មាន៖ theinvestor