គ្រប់ស្មាតហ្វូនបច្ចុប្បន្ន សុទ្ធតែបំពាក់ GPS និងកម្មវិធីផែនទី។ ដូច្នេះ ការស្វែងរកតម្លាយផ្លូវ ឬចំណុចទីតាំងណាមួយ ទោះទៅទីកន្លែងណា ក៏មិនពិបាកដែរ។ កាន់តែងាយស្រួលជាងនេះ Facebook ទើបបន្ថែមមុខងារផ្ញើទីតាំងផ្លូវទៅក្នុងកម្មវិធីសារ Messenger របស់ខ្លួន។ វាមិនត្រឹមតែអនុញ្ញាតឱ្យលោកអ្នកផ្ញើចំណុចទីតាំង (Location) លើផែន​ទីដោយផ្ទាល់តាមសារនោះទេ តែក៏អាចផ្ញើការផ្សាយផ្ទាល់ពីចំណុចទីតាំងដែលខ្លួនកំពុងឋិតនៅ (Live Location) ឱ្យមិត្តភក្តិបានផងដែរ។

លក្ខខណ្ឌអនុវត្ត៖

• ទូរសព្ទ iPhone ត្រូវភ្ជាប់អិុនធើណែត និងបើកមុខងារ Location Services
• សូមប្រាកដថាកម្មវិធី Facebook និង​ Messenger នៅលើទូរសព្ទជាជំនាន់ចុងក្រោយ

របៀបអនុវត្ត៖

១– ផ្ញើចំណុចទីតាំងលើផែនទីតាម Messenger

– ជាដំបូង សូមបើកកម្មវិធី​ Messenger នៅលើទូរសព្ទរបស់លោកអ្នក រួចចូលទៅកាន់ផ្ទាំងសន្ទនាជាមួយមិត្តភក្តិរបស់លោកអ្នកណាម្នាក់

– បន្ទាប់មក ចុចលើប៊ូតុងសញ្ញា + រួចចុចលើ Location នោះអ្នកនឹងឃើញចំណុចទីតាំងដែលអ្នកំពុងឋិតនៅលើផែនទី

– បន្ទាប់មកទៀត សូមចុចលើរូបសញ្ញាអុចក្រហម រួចចុចលើប៊ូតុង Send ដែលឋិតនៅជ្រុងខាងលើផ្នែកខាងស្តាំនៃផ្ទាំងកម្មវិធី ជាការស្រេច។

២– ផ្ញើការផ្សាយផ្ទាល់ពីចំណុចទីតាំងដែលខ្លួនកំពុងឋិតនៅ

– នៅលើផ្ទាំងសន្ទនាជាមួយមិត្តភក្តិដដែល សូមចុចលើប៊ូតុងសញ្ញា + រួចចុចលើ Location

– បន្ទាប់មក ចុចលើ Share Live Location នោះទីតាំងដែលលោកអ្នកកំពុងឋិតនៅនឹងផ្ញើទៅកាន់ដៃគូម្ខាងទៀតជាបន្តបន្ទាប់ (ប្រសិនបើមានការផ្លាស់ប្តូរទីតាំង) ក្នុងអំឡុងពេល ១ ម៉ោង ជាមិនខាន។

បញ្ជាក់ៈ បើលោកអ្នកចង់បញ្ឈប់ការចែកបន្តនេះ សូមចុចលើ Stop Sharing ជាការស្រេច៕