កាលពីម្សិលមិញ ក្រុមហ៊ុន Asus បានបញ្ចេញកុំព្យូទ័រយួរដៃស៊េរីថ្មី VivoBook S មានឈ្មោះសម្គាល់ S510 ដែលមានរចនាបថស្ទើតែច្រឡំនឹង MacBook Air របស់ក្រុមហ៊ុន Apple ទៅហើយ។

លក្ខណ:សម្បត្តិរបស់ VivoBook S510 រួមមាន អេក្រង់ខ្នាត FHD ទំហំ ១៥.៦ អ៊ីញ មានទម្ងន់ ១.៥ គីឡូក្រាម និងកម្រាស់ត្រឹម ៧.៨ មិល្លីម៉ែត្រ។ មិនតែប៉ុណ្ណោះ វាប្រើប្រាស់នូវអង្គប្រតិបត្តិ Intel Core i7 កម្លាំង 7500U ឬ i7 កម្លាំង 7200U ដែលជាជំនាន់ទី ៧ អមមកជាមួយ អង្គចងចាំទំហំ 8GB។ ក្រៅពីនេះ វាក៏មាននូវរន្ធដោត USB ប្រភេទ C និងរន្ធដោតកាសផងដែរ។

គួរបញ្ជាក់ថា កុំព្យូទ័រយួរដៃ VivoBook S510 មានតម្លៃចាប់ពី ៦៩៩ ដុល្លារ ទៅដល់ ៧៩៩ ដុល្លារ តាមសមត្ថភាពម៉ាស៊ីនដែលជ្រើសរើស។ ហើយកំពុងដាក់លក់នៅលើហាងទំនិញអនឡាញក្រុមហ៊ុន ASUS ដោយផ្ទាល់ ចាប់ពីថ្ងៃនេះតទៅ៕

ប្រភព៖ The verge