ភ្នំពេញ៖ ទីបំផុតក្រុមហ៊ុន Huawei ដែលកំពុងគ្រងចំណាត់ថ្នាក់លេខ២ ស្មាត​ហ្វូនធំជាងគេលំដាប់ពិភពលោក ប្រកាសទទួលកម្ម៉ង់ទុកមុនសម្រាប់ស្មាតហ្វូនស៊េរីថ្មី កាមេរ៉ាភ្លោះមុខ/ក្រោយ Huawei nova 2i ហើយ ជាមួយនឹងតម្លៃដ៏ភ្ញាក់ផ្អើល និងកាដូយ៉ាងច្រើនសន្ធឹកសន្ធាប់មិនធ្លាប់មាន ចាប់ទីថ្ងៃនេះតទៅ។

សម្រាប់ការកម្ម៉ង់ទុកនូវស្មាតហ្វូនស៊េរីថ្មី Huawei nova 2i អតិថិជនអាចទទួលបានកាដូយ៉ាងច្រើនសន្ធឹកសន្ធាប់ពីក្រុមហ៊ុន Huawei រួមមាន ដងថតរូប (Selfie Stick), ក្រវិលទម្រទូរសព្ទ (Phone Ring), កាសធំពាក់ក្បាលសម្រាប់ស្តាប់តន្ត្រី (Big Head Ear Phone) និងស៊ីមកាតស្មាត ជាមួយនឹងកញ្ចប់សេវាកម្មធំម្ម៉ង់រយៈពេល ២៤ សប្តាហ៍ ឥតគិតថ្លៃ។ អតិថិជន អាចអញ្ជើញសាកសួរព័ត៌មានអំពីកម្មវិធីកម្ម៉ង់ទុកមុនសម្រាប់ស្មាតហ្វូន Huawei ស៊េរីថ្មី កាមេរ៉ាភ្លោះមុខ ភ្លោះក្រោយ nova 2i នេះ នៅតាមបណ្តាហាង សាខាលក់ទូរសព្ទ ដែលមាន ភ្នាក់ងារបុគ្គលិកលក់ ឬស្លាកសញ្ញា Huawei ចាប់ពីថ្ងៃនេះតទៅ។

លោក អែម យុទ្ធូ ប្រធានផ្នែកទីផ្សារជាន់ខ្ពស់របស់ Huawei នៅកម្ពុជាបានឲ្យដឹងថា អតិថិជនអាចធ្វើការកម្ម៉ង់ទុកមុននូវស្មាតហ្វូនស៊េរីថ្មី គឺ Huawei nova 2i ដោយគ្រាន់តែសាកសួរព័ត៌មានតាមបណ្តាហាងលក់ទូរសព្ទដែលមានស្លាកសញ្ញា Huawei ឬបុគ្គលិកលក់ Huawei។

លោក យុទ្ធូ បន្ថែមថា៖ “សូមប្រញាប់រួសរាន់ឡើង កាដូមានកំណត់! កម្ម៉ង់ភ្លាម កាដូដ៏ច្រើនសន្ធឹកសន្ធាប់ និងស្មាតហ្វូនល្អប្រណិត អេក្រង់ពេញភែ្នក ពេញគែម កាមេរ៉ា៤ នឹងក្លាយជារបស់លោកអ្នក ជាមួយតម្លៃដ៏កក្រើក ដ៏អស្ចារ្យ ដ៏ភ្ញាក់ផ្អើល តែសុំលាក់សិន។

Huawei nova 2i គឺជាកំពូលស្មាតហ្វូនស៊េរីថ្មី កាមេរ៉ាភ្លោះមុខក្រោយដំបូងបង្អស់របស់ក្រុមហ៊ុន Huawei។ HUAWEI nova 2i ត្រូវបានរចនាឡើងជាមួយ​នឹងអេក្រង់ធំ ពេញភ្នែក ពេញគែម 5.9 អ៊ីញ (HUAWEI FullView Display) ជាមួយនឹងសមត្ថភាពកំពូលនៃកាមេរ៉ាភ្លោះមុខ 13MP/2MP ភ្ជាប់ជាមួយនឹង Smart Selfie Toning Flash ឯកទេសអ្នក Selfie មួយគ្មានពីរ អាចផ្តិតយករូបភាពច្បាស់ស្រស់ស្អាត Pro Mode បែបសិល្បៈ portrait, Wide Aperture, Effect, Bokeh​ ស៊ីវិល័យ និងរស់រវើក។

ចំណែកឯ កាមេរ៉ាភ្លោះខាងក្រោយទំហំ 16MP/2MP វិញ មានសមត្ថភាពខ្លាំង អាចផ្តិតយករូបភាពបែបសិល្បៈ ស៊ីវិល័យ កម្រិតខ្ពស់ ព្រាលផ្ទៃខាងក្រោយបានស្រស់ស្អាតល្អ (bokeh) និងជួយបន្ថែមពន្លឺសម្រាប់ទីតាំងដែលមានពន្លឺខ្សោយ ដូចកាមេរ៉ាអាជីព។

HUAWEI nova 2i ត្រូវបានបំពាក់ដោយបន្ទះឈីប Octa-core Kirin 659, មាន RAM ទំហំ 4GB និង ROM ទំហំ 64GB ប្រើប្រាស់ប្រព័ន្ធប្រតិបត្តិការ Android Nougat 7 ជាមួយនឹងថាមពលថ្មធំមហិមា 3,340mAh ស៊ីមពីរ ល្បឿនអ៊ីនធើណិតលឿនកប់ Best 4G LTE Smart Ever ផ្តល់ជូននូវបទពិសោធន៍ថ្មីអស្ចារ្យ កាន់តែលឿន និងអស់កង្វល់រឿងអស់ថ្ម ល្អប្រើ មិនមែនល្អមើល ប្រើអស់ចិត្ត តែមិនអស់ថ្ម។

ប្រញាប់ឡើង កម្ម៉ង់ Huawei nova 2i នៅថ្ងៃនេះ អតិថិជន នឹងអាចទទួល បានស្មាតហ្វូនស៊េរីថ្មីមួយនេះ រួមជាមួយនឹងកាដូថែមច្រើនសន្ធឹកសន្ធាប់៕