មិនមែនគ្រប់មុខងារថ្មីៗសុទ្ធតែល្អទាំងអស់នោះទេ​។ នៅលើ​ប្រព័ន្ធ iOS 10 ដើម្បីបិទ WiFi ឬ Bluetooth លោកអ្នកអាចធ្វើបានភ្លាមៗតាមផ្ទាំង Control Center ប៉ុន្តែ សម្រាប់ iOS 11 មិនដូច្នោះទេ។ ពោលគឺ បើទោះជាលោកអ្នកចុចកុងតាក់បិទមុខងារទាំងពីរនេះ លើផ្ទាំង Control Center ដែលត្រូវបានរចនាឡើងយ៉ាងថ្មីស្រឡាងនេះក៏ដោយ ក៏វានៅដំណើរការតទៅទៀតដែរ ដែលវានឹងធ្វើឱ្យថាមពលថ្មទូរសព្ទ​ iPhone ឬ iPad លោកអ្នក ឆាប់អស់ដោយមិនដឹងខ្លួន។ ដូច្នេះ ដើម្បីបិទប្រព័ន្ធ Wi-Fi និង Bluetooth ចោលទាំងស្រុង លោកអ្នកត្រូវចូលទៅកាន់៖

១- បិទប្រព័ន្ធ WiFi
– ចូលទៅកាន់កម្មវិធី Settings លើ Home Screen
– ចុចលើ Wi-Fi
– ចុចលើកុងតាក់បិទលើមុខងារ Wi-Fi (លោតចេញពណ៌បៃតង)

២- បិទប្រព័ន្ធ Bluetooth
– ចូលទៅកាន់កម្មវិធី Settings លើ Home Screen
– ចុចលើ Bluetooth
– ចុចលើកុងតាក់បិទលើមុខងារ Bluetooth (លោតចេញពណ៌បៃតង)

បញ្ជាក់: លោកអ្នកត្រូវធ្វើតាមជំហានខាងលើនេះ នៅពេលណាចង់បើក ឬបិទមុខងារទាំង Wi-Fi និង​ Bluetooth។

ប្រភពព័ត៌មាន: imore