ក្រុមហ៊ុន Huawei នៅប្រទេសអារ៉ាប់បានចេញវីដេអូឃ្លីបដ៏ខ្លីមួយបង្ហោះផ្សាយលើទំព័រ Twitter របស់ខ្លួន ដោយចំអកបញ្ឆិតបញ្ឆៀងទៅលើឡូហ្គូលេខ 9 ដែលរំលេចលើលិខិតអញ្ជើញរបស់ក្រុមហ៊ុន Samsung សម្រាប់ព្រឹត្តិការណ៍បើកបង្ហាញ Galaxy S9 នាពេលខាងមុខ។
បើទោះបីជាក្រុមហ៊ុនមិនបានចម្អន់ចំៗទៅលើ Galaxy S9 ដែលត្រៀមចេញឆាប់ៗនេះក៏ដោយ ក៏គេអាចនឹងដឹងយ៉ាងច្បាស់ថាលេខ 9 នៅក្នុងវីដេអូដែលប្រែទៅជាបញ្ច្រាស់ជើងឡើងលើរត់ចូលក្នុងអក្សរ #doingWhatTheyCant គឺ Huawei ចង់លើកសម្តៅទៅ S9 របស់ Samsung នោះដែរ។
It’s time to step down from Cloud 9 and start getting real with Huawei's real time scene and object recognition feature. #DoingWhatTheyCant #HuaweiAICamera pic.twitter.com/60bjpWTfAJ
— Huawei Arabia (@HuaweiArabia) February 24, 2018
នៅក្នុងវីដេអូរយៈពេល ១០ វិនាទីនោះ បានបង្ហាញពីអត្ថន័យជំរុញឱ្យលះបង់ Cloud 9 ហើយចាប់យកមុខងារថតសម្គាល់រូបភាពពិតៗដែលមាននៅលើទូរសព្ទ Huawei បំពាក់បន្ទះឈីប Kirin 970 ស៊េរី Mate 10 និងដែល Samsung ពុំមាន។ ទន្ទឹមនឹងនោះ ក្រុមហ៊ុនក៏បានលើកសរសើរពីសមត្ថភាពនៃបច្ចេកវិទ្យាកាមេរ៉ា AI របស់ខ្លួនផងដែរ៕
មតិយោបល់