ចិន៖ បើនិយាយពីចំណែកទីផ្សារស្មាតហ្វូននៅក្នុងប្រទេសចិន Samsung, Apple និង Huawei បាននាំ​មុខ​ ប៉ុន្តែ​នៅពេលនេះ ត្រូវបាន​ធ្លាក់ទៅលើ​ក្រុមហ៊ុន​ផ្សេង ដែលទើបនឹងលេចមុខទៅវិញ។ តើក្រុមហ៊ុនណាមួយ ដែល​មានសមត្ថភាព​ដណ្ដើមបានតំណែង Samsung និង Apple?

យោងតាមរបាយការណ៍ស្រាវជ្រាវ និងចុះផ្សាយដោយសារព័ត៌មាន​ GSMArena បានឲ្យដឹងថា នៅក្នុងខែ​មិថុនា​កន្លងទៅនេះ ក្រុមហ៊ុន Oppo គឺជាម៉ាកស្មាតហ្វូនឈានមុខគេក្នុងប្រទេសចិន ជាមួយនឹងចំណែកទីផ្សារ​ខ្ពស់ ដែលមិនធ្លាប់មាន។

នៅក្នុងខែមិថុនា​ ក្រុមហ៊ុន Oppo បានកាន់កាប់ចំណែកទីផ្សារស្មាតហ្វូននៅក្នុងប្រទេសចិន បាន ២៣ភាគរយ ខណៈដែល Huawei ទទួលបាន ១៧,៤ភាគរយ, Vivo មាន ១២ភាគរយ និងបន្តទៀតមាន​ Apple, Xiaomi និង Samsung។

កាលពីខែមិថុនា ឆ្នាំ២០១៤ ក្រុមហ៊ុន Oppo ក្ដោបទីផ្សារស្មាតហ្វូននៅក្នុងប្រទេសចិន បានត្រឹមតែ ២ភាគរយប៉ុណ្ណោះ និងនៅខែមិថុនា ឆ្នាំ២០១៥ ទទួលបាន ៦ភាគរយ ហើយនៅឆ្នាំនេះ ទទួលបាន ២២,៩ភាគរយ មានន័យថា ចំនួនស្មាតហ្វូនរបស់ Oppo ដែលលក់នៅក្នុងប្រទេសចិនបានកើនឡើង​ខ្លាំង៕