តៃវ៉ាន់៖ យោងតាមរបាយការណ៍ស្រាវជ្រាវរបស់ក្រុមហ៊ុនតៃវ៉ាន់ Digitimes Research បានឲ្យដឹងថា តួលេខនៃការលក់​ Tablet នៅជុំវិញពិភពលោក ក្នុងត្រីមាសទី៣ បានកើនឡើង ១៦.៣ភាគរយ ស្មើនឹងប្រមាណជិត ៤៧លានគ្រឿង។

បើទោះបីជាតួលេខនៃការលក់នៅត្រីមាសទី៣ ឆ្នាំនេះ បានកើនឡើងក្ដី ប៉ុន្តែតួលេខនេះ បើធៀបនឹងត្រីមាសទី៣ ឆ្នាំមុនគឺ​នៅ​ធ្លាក់ចុះជាង ១០ភាគរយ ហើយការធ្លាក់នេះ ក៏ជាបញ្ហាចម្បងមួយផងដែរ សម្រាប់ក្រុមហ៊ុនផលិត Tablet ទាំងអស់ ព្រោះថា ប៉ុន្មានឆ្នាំចុងក្រោយនេះ តួលេខនៃការលក់ Tablet បន្តធ្លាក់ចុះជាលំដាប់ ហើយក៏ពុំមានដំណោះស្រាយផងដែរ។

បើយោងតាមសម្ដីអ្នកប្រើ Tablet ភាគច្រើនបាននិយាយថា ពួកគាត់មិនចាំប្ដូរទៅប្រើ Tablet នោះទេ ព្រោះទីមួយវាចំណាយ​លុយ និងទី២ វាគ្រាន់តែជាឧបករណ៍សម្រាប់កម្សាន្តមួយប៉ុណ្ណោះ មិនចាំបាញ់ចេញថ្មីភ្លាម ទិញភ្លាម​នោះទេ៕