Post News Media ព័ត៌មានបច្ចេកវិទ្យា Apple បានត្រៀ...

Apple បានត្រៀមទុក iPhone ថ្មី ជាង ៧០លានគ្រឿងសម្រាប់លក់ចុងឆ្នាំនេះ

ចិន៖ បើទោះបីជាមិនទាន់មានប្រភពព័ត៌មានច្បាស់ការក្ដី ប៉ុន្តែ​ iPhone ជំនាន់ថ្មី ត្រូវបានគេរំពឹងថា នឹង​បង្ហាញវត្តមាននៅដើមខែកញ្ញា ពោលគឺនៅសប្ដាហ៍ក្រោយ ដោយក្នុងនោះ ក្រុមហ៊ុន Apple បាន​ត្រឹម​ iPhone ថ្មី​ ជាង ៧០លានគ្រឿងបម្រុងទុកលក់នៅក្នុងត្រីមាសទី៤ ឆ្នាំ២០១៦។

សារព័ត៌មាន DigiTimes បានចេញផ្សាយដោយស្រង់សំដីរបស់​បុគ្គលិកបម្រើការងារនៅក្នុង​ក្រុមហ៊ុន Foxconn ដែលជា​ក្រុមហ៊ុនផ្គត់ផ្គង់ធំបំផុតរបស់ Apple បានបញ្ជាក់ថា ក្រុមហ៊ុន Apple បាន​ត្រៀម iPhone ថ្មី ចំនួន ៧៤លានគ្រឿងទុកសម្រាប់លក់នៅចុងឆ្នាំនេះ ប៉ុន្តែតួលេខនេះ បើធៀបនឹងឆ្នាំមុន នៅ​តិចជាង ១០លានគ្រឿង។

ប៉ុន្មានថ្ងៃមុននេះ មានលេចឮព័ត៌មានចុងក្រោយថា iPhone ថ្មី មានបញ្ហា​ធំៗ​ចំនួន ២គឺទីមួយបញ្ហា​រន្ធ​ដោត​កាស អាចនឹងជ្រាបទឹក និងមួយទៀតគឺបញ្ហាកាមេរ៉ាភ្លោះ ព្រោះទាំងពីរចំណុចនេះ Apple ពុំធ្លាប់មាន​បទសោធន៍ឡើយ៕

iPhone 7, 7Plus 1

Loading...