យោងតាមអ្នកឯកទេសវិភាគព័ត៌មានបច្ចេកវិទ្យាមកពីក្រុមហ៊ុន KGI Securities លោក Ming-Chi Kuo បាននិយាយថា iPhone ស៊េរីក្រោយរបស់ក្រុមហ៊ុន Apple នឹងបំពាក់អេក្រង់ប្រភេទ OLED ដែលកំពុងប្រើប្រាស់នៅលើ​ iPhone X សព្វថ្ងៃ។

លោកអះអាងថា ខុសពីពេលបច្ចុប្បន្នដែលអេក្រង់ប្រភេទនេះ មានតែនៅលើ iPhone X មួយម៉ូឌែល នៅឆ្នាំក្រោយនេះ ក្រុមហ៊ុន Apple នឹងយកវាទៅបំពាក់​លើ iPhone ចំនួនពីរម៉ូឌែល អាចទាំង iPhone 9 និង 11 ហើយលោក​ជឿថា ក្រុមហ៊ុននឹងប្រើរចនាបទ iPhone X ដដែល ជាមួយតួខ្លួនស្រោបដោយលោហៈមិនចេះច្រេះ។

បន្ថែមពីលើនេះ iPhone ស៊េរីបន្ទាប់ទាំងពីរម៉ូឌែល ក៏នឹងមានបំពាក់បច្ចេកវិទ្យាស្កេនផ្ទៃមុខ Face ID ដែលអមដោយកាមេរ៉ាមុខ TrueDepth ផងដែរ ហើយបន្ទះ​ស្កេនក្រយៅដៃ Touch ID នឹងលែងមានលើផលិតផល iOS Devices តទៅទៀតហើយ។

ដោយឡែកសម្រាប់តម្លៃវិញ អាចនឹងប្រហាក់ប្រហែល iPhone 8 និង 8 Plus ដោយសារតែ Apple នឹងដកចេញនូវលក្ខណៈពិសេសមួយចំនួន៕

ប្រភពព័ត៌មានៈ alphr