Post News Media ព័ត៌មានបច្ចេកវិទ្យា Samsung Galax...

Samsung Galaxy Note 7 អាចនឹងត្រូវហាមឃាត់សម្រាប់ការហោះហើរនៅអាមេរិក

អាមេរិក: ស្មាតហ្វូន Samsung Galaxy Note 7 អាចនឹងត្រូវបានហាមឃាត់សម្រាប់ការ​ហោះហើរ​នៅ​សហរដ្ឋអាមេរិក បន្ទាប់ពីផ្ទុះនូវព័ត៌មានអាស្រូវទាក់ទងនឹង​បញ្ហាថ្ម រហូតដល់មានការផ្ទុះឆេះ​ខណ:​ពេលកំពុងសាកថ្ម។

សហព័ន្ធរដ្ឋបាលអាកាសចរណ៍សហរដ្ឋអាមេរិក (FAA) រួមជាមួយនឹងស្ថាប័នពាក់ព័ន្ធមួយចំនួនទៀត​កំពុងតែពិចារណាទៅលើការហាមឃាត់ការនាំយក Samsung Galaxy Note 7 ធ្វើដំណើរតាម​យន្តហោះ (មានន័យថារាល់អ្នកដំណើរ និងក្រុមសហសេវិកគឺមិនអាចនាំយក Galaxy Note 7 តាមខ្លួនបាន​ឡើង នៅពេលហោះហើរ)។

FAA បានបញ្ជាក់នៅក្នុងសេចក្ដីប្រកាសរបស់ខ្លួនថា នៅពេលនេះ ខ្លួន និងស្ថាប័នជំនាញផ្សេងៗទៀត កំពុងតែពិនិត្យទៅលើ​ឯកសារ ដើម្បីចេញសេចក្ដីសម្រេចថា ត្រូវតែហាមឃាត់ Galaxy Note 7 ឬមួយ​អត់? ប៉ុន្តែបើសិនជារកឃើញថា បញ្ហាថ្មនោះ អាចនាំឲ្យប៉ះពាល់ដល់ការហោះហើរ ជាពិសេសគឺ​អាច​នាំ​ផ្ទុះឆេះនោះ គឺ FAA នឹងចេញសេចក្ដីហាមឃាត់ភ្លាមតែម្ដង។

គួរបញ្ជាក់ផងដែរថា នៅដើមខែនេះ ស្មាតហ្វូន Galaxy Note 7 បានជួបនូវបញ្ហាផ្ទុះឆេះខណ:ពេល​កំពុង​សាកថ្ម ចំណែកក្រុមហ៊ុន Samsung បានបកស្រាយថា នោះមកពីបញ្ហាថ្ម ហើយនៅពេលនេះ ខ្លួនកំពុង​តែប្រកាសប្រមូលយមកវិញ ដើម្បីដោះដូរ៕

Samsung Galaxy Note7 may be banned from US flights