ភ្នំពេញៈ ក្រុមប្រជាអាជីវករជាច្រើននាក់ បានចោទថា អាជ្ញាធរខណ្ឌសែនសុខ នៅតែបន្តយកលុយពួកគាត់ជាថ្នូរនឹងការអនុញ្ញាតឲ្យលក់ដូរលើចំណីផ្លូវសាធារណៈ ដែលគេហៅជាសាមញ្ញថា ពុករលួយ។

អាជីវករបានលើកឡើងថា ក្នុងមួយថ្ងៃៗ ពួកគាត់ត្រូវចំណាយក្រៅផ្លូវការយ៉ាងតិចក៏៥ពាន់រៀលដែរ ឲ្យទៅខាងអាជ្ញាធរខណ្ឌសែនសុខ ដែលផ្ទុយពីការសន្យារបស់ខ្លួន(អាជ្ញាធរ)ថា នឹងសម្រួលរៀបចំសណ្ដាប់ធ្នាប់ឲ្យល្អប្រសើរ ហើយអាចកាត់បន្ថយចំណាយរបស់ពួកគាត់ មកត្រឹម៣រៀលក្នុងមួយថ្ងៃនោះ។

ទោះជាយ៉ាងណា អាជ្ញាធរខណ្ឌសែនសុខ បានបដិសេធជុំវិញការចោទប្រកាន់ទាំងអម្បាលម៉ាន ហើយថា អាជ្ញាធរមានតួនាទីរៀបចំសណ្ដាប់ធ្នាប់ ដើម្បីលើកកម្ពស់សោភ័ណ្ឌភាពទីក្រុង។

លោក ស្រេង ដារ៉ា រាយការណ៍លម្អិតជុំវិញករណីខាងលើ៖