Post News Media ព័ត៌មានបច្ចេកវិទ្យា របាយការណ៍៖ មា...

របាយការណ៍៖ មានការផ្ទុះឆេះ Samsung Galaxy Note 7 ច្រើនជាង ៧០ករណីនៅអាមេរិក

អាមេរិក: របាយការណ៍ស្រាវជ្រាវថ្មី បានបង្ហាញឲ្យដឹងថា មានច្រើនជាង ៧០ករណី ដែល​ស្មាតហ្វូន Samsung Galaxy Note 7 ផ្ទុះឆេះ នៅសហរដ្ឋអាមេរិក ដោយមិនរាប់បញ្ចូលករណីនៅតាមបណ្ដា​ប្រទេសផ្សេងៗទៀត។

សារព័ត៌មាន GSM Arena បានចេញផ្សាយនៅថ្ងៃទី១៤ ខែកញ្ញានេះ ដោយដកស្រង់ចេញពី​អង្គភាព Health Canada (នាយកដ្ឋានទទួលបន្ទុកសុខភាពសាធារណ:ជាតិរបស់កាណាដា) បានបង្ហាញថា ស្មាតហ្វូន Galaxy Note 7 របស់ក្រុមហ៊ុនបច្ចេកវិទ្យាយក្សកូរ៉េ Samsung បានផ្ទុះឆេះឡើងជាង ៧០ករណីនៅសហរដ្ឋអាមេរិក ខណ:ដែលក្រុមហ៊ុនមួយនេះអះអាងថា មានតែ ៣៥ករណីប៉ុណ្ណោះ។

គួរបញ្ជាក់ផងដែរថា ការផ្ទុះឆេះនេះ ត្រូវបានក្រុមហ៊ុន Samsung ប្រកាសថា មកពី​បញ្ហាថ្ម ខណ:ដែល​មនុស្សជាច្រើនបានរងរបួសដោយសារតែការផ្ទុះនេះ ជាពិសេសនៅពេលនេះ នៅតាមបណ្ដាជើងហោះ​ហើរជាច្រើនបានហាមឃាត់ការប្រើប្រាស់ Galaxy Note 7 ព្រោះអាចបង្ក​ជា​ហានិភ័យឡើង ដែលអាចបណ្ដាលឲ្យមានមនុស្សស្លាប់៕

note7-burntphone