មានបន្ថែមរូបសញ្ញាអារម្មណ៍ថ្មីចំនួន 70

នៅថ្ងៃមិ្សលមិញនេះ Apple បានបញ្ចេញ iOS 11.2 សម្រាប់ក្រុមអ្នកអភិវឌ្ឍកម្មវិធីយកទៅធ្វើការតេស្តមើល ហើយភ្លាមៗនោះ ក្រុមហ៊ុនក៏បានបញ្ចេញ iOS 11.1 សម្រាប់អតិថិជនទូទៅកែឡើងលើទូរសព្ទដៃ iPhone, iPad, និង iPod Touch ផងដែរ។

កំណែថ្មីនេះ ពាំនាំមកនូវមុខងារសម្រាប់ចុចប្តូរកម្មវិធីពហុមុខងារតាម 3D Touch កែបញ្ហាប្រព័ន្ធ Wi-Fi បង្កើនការគាំទ្រជាមួយឧបករណ៍សម្រាប់ជនពិការភ្នែកប្រើប្រាស់ ជួសជុលបញ្ហាមួយចំនួនដែលកើតឡើងនៅពេលទទួលទិន្នន័យពី Apple Watch ហើយអ្វីដែលគួរឱ្យចាប់អារម្មណ៍បំផុតនោះគឺ មានបន្ថែមរូបសញ្ញាអារម្មណ៍ថ្មីចំនួន 70។

ចំពោះឯកសារ iOS 11.1 កំណែថ្មីនេះ គឺមានទំហំ ៣១១ MB ហើយដើម្បីដំឡើងវាប្រើលើ iPhone ឬ iPad លោកអ្នកអាចចូលទៅកាន់កម្មវិធី Settings -> General -> Software Update លើឧបករណ៍របស់ខ្លួនដើម្បីទាញយក និងដំឡើងបាន៕