Post News Media ព័ត៌មានបច្ចេកវិទ្យា Samsung អះអាង...

Samsung អះអាងជាផ្លូវការថា ការផ្ទុះឆេះ Galaxy Note 7 នៅអាមេរិកគឺមានរហូតដល់ជាង ៩០ករណី

អាមេរិក: នៅមុននេះនាយកដ្ឋានទទួលបន្ទុកសុខភាពសាធារណ:ជាតិរបស់កាណាដា បានបង្ហាញ​របាយការណ៍ថា មានច្រើនជាង ៧០ករណី ដែល​ស្មាតហ្វូន Samsung Galaxy Note 7 ផ្ទុះឆេះ នៅសហរដ្ឋអាមេរិក ប៉ុន្តែនៅពេលនេះ Samsung ផ្ទាល់ បានចេញមុខអះអាងថា មានរហូតដល់ជិត ១០០ករណី​។

ក្រុមហ៊ុន Samsung និង គណ:កម្មាការសុវត្ថិភាពផលិតផលប្រើប្រាស់សហរដ្ឋអាមេរិក (CPSC) ទទួល​បានរបាយការណ៍ទាក់ទងនឹងករណីផ្ទុះឆេះ Galaxy Note 7 ចំនួន​ ៩២ករណី នៅសហរដ្ឋអាមេរិក ដោយ​ក្នុងនោះ មាន ២៦ករណីត្រូវបានរាយការណ៍មកថា ផ្ទុះឆេះ និង​ ៥៥ករណី​ បណ្ដាលឲ្យមាន​ផល​ប៉ះពាល់ រួមមានទាំងរថយន្ត និង​យានដ្ឋានជួសជុលរថយន្ត។

គួរបញ្ជាក់ផងដែរថា តាមការប៉ាន់ប្រមាណ Samsung ប្រហែលជាត្រូវខាតបង់ ១ពាន់លានដុល្លារអាមេរិក ទៅលើបញ្ហា Note 7​ នេះ ដោយ​តួលេខទឹកប្រាក់នេះ នៅមិនទាន់រាប់បញ្ជូល​ថ្លៃសំណងដែលបណ្ដាលមកពីការផ្ទុះឆេះ៕

Samsung-Galaxy-Note-7-Recall

samsung-galaxy-note-7-allegedly-explodes-inside-a-jeep-in-florida4

samsung-galaxy-note-7-allegedly-explodes-inside-a-jeep-in-florida

ប្រភព៖ Phone Arena