ព័ត៌មានបច្ចេកវិទ្យា

ករណីផ្ទុះឆេះ Note 7 បានធ្វើឲ្យ Samsung ខាតជាង ១៧ពាន់លានដុល្លារ

អាមេរិក: ក្រុមហ៊ុន Samsung បានប្រកាសផ្អាកផលិត លក់ និង​ណែនាំឲ្យអតិថិជនផ្អាកប្រើ​ Galaxy Note 7 មួយរយ: រង់ចាំការស៊ើបអង្កេតរួចរាល់ បន្ទាប់ពី​មានករណីផ្ទុះឆេះ Galaxy Note 7 ថ្មី នៅអាមេរិក និងតៃវ៉ាន់។ តើការផ្អាកនេះ បានធ្វើឲ្យ Samsung ខាតបង់ទឹកប្រាក់​ចំនួន​ប៉ុន្មាន​ដែរ?

យោងតាមការចេញផ្សាយរបស់ទូរទស្សន៍ Bloomberg បានឲ្យដឹងថា ក្រោយពី Samsung ប្រកាសផ្អាកជាផ្លូវការ បានធ្វើឲ្យភាគហ៊ុនរបស់ក្រុមហ៊ុនធ្លាក់ចុះយ៉ាងខ្លាំង ដោយគិតជាទឹក​ប្រាក់​មានចំនួនច្រើនជាង ១៧ពាន់លានដុល្លារអាមេរិក ពីចំណែកទីផ្សារភាគហ៊ុន។

ចំនួនទឹកប្រាក់នេះ មិនត្រូវបានរាប់បញ្ចូលទៅលើការខាតបង់លើប្រាក់ចំណូលត្រីមាស ឬប្រាក់​ចំណូលប្រចាំឆ្នាំឡើយ។

ក្រោយពេលក្រុមហ៊ុន Samsung ប្ដូរ Galaxy Note 7 ជូនអតិថិជន គឺបានកើតមានករណីផ្ទុះ​ឆេះ Galaxy Note 7 ម្ដងទៀតនៅលើយន្តហោះដឹកអ្នកដំណើរអាមេរិក ដែលបានបង្កការភ្ញាក់ផ្អើល​យ៉ាងខ្លាំង និង​មួយករណីទៀតនៅតៃវ៉ាន់ ខណ:ដែល​ម្ចាស់ទូរស័ព្ទកំពុងដឹកឆ្កែដើរលេង ដោយ​ទាំងពីរករណីនេះ Samsung កំពុងតែធ្វើការស៊ើបអង្កេត។

គួរបញ្ជាក់ផងដែរថា កាលពីខែកញ្ញាកន្លងទៅនេះ ក្រុមហ៊ុន Samsung បានខាតបង់ទឹកប្រាក់​ប្រមាណជា ១.៥ពាន់លានដុល្លារអាមេរិក ទៅលើការប្ដូរ Galaxy Note 7 ថ្មី ជួនអតិថិជន និង​ខាត​បង់ប្រាក់ជាង ៥ពាន់លានដុល្លារអាមេរិក នៃប្រាក់ចំណូល៕

note7

ប្រភព៖ Bloomberg

មតិយោបល់