ប៊ែកឡាំងៈ រដ្ឋាភិបាលអាល្លឺម៉ង់ គ្រោងបង្កើតច្បាប់ថ្មី ដែលតម្រូវឲ្យក្រុមហ៊ុនផលិតរថយន្ត​បង្កើត និង​បញ្ចូលប្រអប់ខ្មៅ (Black box) ទៅក្នុងរថយន្តជំនាន់ថ្មី ដើម្បី​ថតទុកនូវឯកសារ និងព័ត៌មានផ្សេង ដូចគ្នា​ទៅនឹងយន្តហោះ។

សមាជិកសភា​អាល្លឺម៉ង់ បានបង្ហាញគម្រោងបង្កើតច្បាប់នេះ និងកំពុងពិចារណាទៅលើការ​អនុម័ត ដោយ​ស្នើឲ្យក្រុមហ៊ុនផលិតរថយន្តអាល្លឺម៉ង់បង្កើតប្រអប់ខ្មៅ ដែល​គោលដៅធំបំផុតគឺ​ចង់​ថត​ និង​រក្សាទិន្នន័យផ្សេងៗ ដោយភ្ជាប់ជាមួយនឹងបច្ចេកវិទ្យា​ដើម្បីងាយស្រួលគ្រប់គ្រង។

ក្រុមហ៊ុនផលិតរថយន្តហោះ Volvo និង Mercedes-Benz បានប្រកាសបង្ហាញជំហរផ្ទាល់ខ្លួនថា ពួកគេ​នឹង​ទទួលយកសំណើរបស់រដ្ឋាភិបាល ក្នុងការអនុវត្តច្បាប់មួយនេះ ព្រោះវាដើម្បីសុវត្ថិភាពដល់​អ្នក​បើកបរ និងដើម្បី​កិច្ចការសង្គម៕