អាមេរិកៈ បណ្ដាញសង្គម Facebook កាន់តែវិវឌ្ឍន៍ខ្លួនទៅមុខបន្តិចម្ដងៗ ដើម្បីឲ្យអ្នកប្រើប្រាស់​កាន់តែងាយស្រួល ជាក់ស្ដែងនៅពេលនេះ បណ្ដាញសង្គមយក្សមួយនេះ បានប្រកាសឲ្យដឹង​ពី​សមទ្ធិផលថ្មីគឺការទូទាត់សាច់ប្រាក់តាមរយៈ PayPal ដែលនឹងដាក់ឲ្យប្រើប្រាស់នៅក្នុងពេល​ឆាប់​ៗខាងមុខនេះ។

នៅថ្ងៃនេះ ក្រុមហ៊ុន​ PayPal និង​ Facebook បានចេញសេចក្ដីប្រកាសរួមគ្នាមួយថា នៅក្នុងពេលឆាប់ៗខាងមុខនេះ អ្នកប្រើប្រាស់ Facebook ទាំងអស់នឹងអាចទូទាត់សាច់ប្រាក់​តាមរយៈ PayPal បាន ក្នុងនោះ Facebook Messenger ក៏អាចប្រើបានដែរ។

ក្រុមហ៊ុន Facebook បានបញ្ជាក់បន្ថែមទៀតថា បច្ចុប្បន្នមានក្រុម Developer ជាង ៣ពាន់នាក់ បានចូលរួមនៅក្នុងកិច្ចការមួយនេះ ដើម្បីធ្វើឡើងបង្កើតរូបមន្តខាងលើឲ្យបាន និងដើម្បីពន្លឿន​ការងារ ព្រោះវាជាតម្រូវការចាំបាច់មួយ ដែលអ្នកប្រើទាំងអស់ ត្រូវការប្រើជាប្រចាំថ្ងៃ។

គួរបញ្ជាក់ផងដែរថា មុខងារថ្មីនេះ ប្រហែលជាមិនត្រូវបានដាក់ឲ្យប្រើប្រាស់ជាទូទៅនោះទេ ប៉ុន្តែ​គេដឹងច្បាស់ថា អាមេរិក គឺនឹងមានប្រើមុនគេ៕