ក្រុមហ៊ុនកូរ៉េខាងត្បូង Welt Bio កំពុងវិនិយោគជាទឹកប្រាក់ប្រមាណ ៤០លានដុល្លារអាមេរិក លើដំណាំម្រេច ដែលមានផ្ទៃដី ១០០០ហិកតា នៅខេត្តមណ្ឌលគីរី នឹងនាំចេញទៅកាន់ទីផ្សារពិភពលោក។ នេះបើយោងតាមទីភ្នាក់ងារសារព័ត៌មានជាតិ។

ក្រុមហ៊ុន បាននាំចូលនូវបច្ចេកវិទ្យាទំនើប របស់ប្រទេសកូរ៉េ ដើម្បីសម្រេចផលិតផលម្រេច ឲ្យមានគុណភាពខ្ពស់ សម្រាប់នាំចេញទៅទីផ្សារពិភពលោក ដោយប្រើប្រាស់យីហោខ្លួនឯង។

ទិន្នផលម្រេច ភាគច្រើនត្រូវបាននាំចេញទៅទីផ្សារអន្តរជាតិ ដូចជាសហរដ្ឋអាមេរិក និងសហភាពអឺរ៉ុប ហើយប្រទេសដែលមានតម្រូវការម្រេចច្រើនជាងគេគឺ ចិន និងឥណ្ឌា ព្រោះមានប្រជាជនច្រើន។

គួរបញ្ជាក់ដែរថា ក្រុមហ៊ុន ក៏មានគម្រោងបង្កើតរោងចក្រកែច្នៃនៅឆ្នាំក្រោយ និងមានមហិច្ឆតាបង្កើតកសិដ្ឋានម្រេចដ៏ធំជាងគេលើពិភពលោក៕