ព័ត៌មានសេដ្ឋកិច្ច

អាមេរិក ដាក់ Alibaba ក្នុង Blacklist ដោយសារក្លែងបន្លំ និងបោកប្រាស់ខ្លាំងពេក

រដ្ឋាភិបាលអាមេរិក បានសម្រេចបញ្ចូល ក្រុមហ៊ុន Alibaba Group Holding Ltd. ទៅក្នុង Blacklist ជាថ្មីម្តងទៀត ដោយចោទថា ព័ត៌មានលក់អនឡាញ សុទ្ធតែក្លែងបន្លំ និងបោកប្រាស់ខ្លាំងពេក។ នេះបើយោងតាមសារព័ត៌មាន Bloomberg ចេញផ្សាយនៅថ្ងៃនេះ។

កាលពីម្សិលមិញនេះ​ ការិយាល័យតំណាងពាណិជ្ជកម្មអាមេរិក បានផ្អាកប្រតិបត្តិការរបស់វេបសាយ Taobao របស់ក្រុមហ៊ុន Alibaba ដោយមូលហេតុកម្រិតនៃការបោកប្រាស់ និងក្លែងបន្លំខ្ពស់ពេក។

យ៉ាងណាមិញ ក្រុមហ៊ុន Alibaba បង្ហាញការខកចិត្តយ៉ាងខ្លាំងលើការសម្រេចចិត្តនេះ ដែលធ្វើឲ្យខូចដល់កេរ្តិ៍ឈ្មោះ ក៏ដូចជាទំនាក់ទំនងជាមួយអ្នកលក់ទំនិញ អតិថិជន និងដៃគូសហការ។

ក្រុមហ៊ុន Alibaba បានបញ្ជាក់យ៉ាងច្បាស់ថា ក្រុមហ៊ុនបានលុបទំនិញ ៣៨០លានមុខ នឹងបិទហាងចំនួន ១សែន៨ម៉ឺន នៅលើគេហទំព័រ Taobao ក្នុងរយ:ពេលត្រឹមតែ ១ឆ្នាំ ដើម្បីទប់ស្កាត់ព័ត៌មានលក់ទំនិញក្លែងក្លាយ និងក្លែងបន្លំ។

យ៉ាងណាមិញ អ្នកវិភាគសេដ្ឋកិច្ចចិន Billy Leung ជឿជាក់ថា វាទាក់ទងនឹងនយោបាយច្រើនជាងរឿងអ្វីៗទាំងអស់ ព្រោះអតិថិជនដឹងហើយថា នៅពេលគេទិញទំនិញលើ Taobao គេយល់ពីគុណភាពវាហើយ។

Alibaba នៅតែបង្ហាញភាពជឿជាក់ថា បញ្ហានេះកើតឡើងដោយសារប្រធានាធិបតីថ្មី Donald Trump ដែលកំពុងតែតឹងរឹងលើ កិច្ចព្រមព្រៀងពាណិជ្ជកម្មអាមេរិក-ចិន គាបសង្កត់ និងដាក់ពន្ធខ្ពស់លើទំនិញរបស់ចិន៕

មតិយោបល់