លោក Alwaleed Bin Talal នាយកក្រុមហ៊ុន Kingdom Holding Co.​ នឹងចាប់ដៃគូជាមួយក្រុមហ៊ុន Alinma Investment ដើម្បីសាងសង់អគារខ្ពស់ជាងគេបំផុតលើលោក ឈ្មោះថា Jeddah Tower ដែលមានកម្ពស់ ២០៥ជាន់ និងគ្រោងចំណាយទឹកប្រាក់ប្រមាណជា ២០ពាន់លានដុល្លារ។ នេះបើយោងតាមសារព័ត៌មានអន្តរជាតិ Business Insider។

អគារ Jeddah Tower នៃគម្រោង Jeddah Economic City ត្រូវបានគេរំពឹងទុកថា នឹងបញ្ចប់នៅឆ្នាំ២០២០ ខាងមុខនេះ ហើយនឹងក្លាយជាអគារខ្ពស់ជាងគេបំផុតលើលោក ដែលមានកម្ពស់ ៣,២៨០ហ្វីត (១០០០ម៉ែត្រ) និង ២០៥ជាន់​ រួមមាន សណ្ឋាគារ អាផាតមិន និងការិយាល័យជាដើម។

យ៉ាងណាមិញ តាមការប៉ាន់ប្រមាណនៅតំបន់អាស៊ី និង មជ្ឈិមបូព៌ា នៅឆ្នាំ ២០២០ អគារចំនួន ៧ នៅតំបន់អាស៊ី ស្ថិតក្នុងចំណោមអគារខ្ពស់ជាងបំផុតទាំង ១០ លើលោក ដែលក្នុងនោះមានអគារចំនួន ៣ ដែលស្ថិតនៅមជ្ឈិមបូព៌ាក្នុង អារ៉ាប់ឌីសាអូឌីត។

គួរបញ្ជាក់ផងដែរថា កាលពីឆ្នាំ ២០១០ អគារ Burj Khalifa បានជាប់ជាអគារដែលខ្ពស់ជាងគេបំផុតលើលោក ដែលមានកម្ពស់ ២,៧១៧ហ្វីត (៨២៨ម៉ែត្រ) និង ១៦៣ជាន់ ដែលស្ថិតនៅទីក្រុងឌូបៃ ប្រទេសអារ៉ាប់៕