ខុនដូ SunCity Bassac កម្ពស់ ២១ជាន់ នឹងលេចរូបរាងកណ្តាលទីក្រុងភ្នំពេញ នាឆ្នាំ ២០១៨ខាងមុខ។ នេះយោងតាមការសម្ភាសតាមរយ:ទូរស័ព្ទរវាង Post Real Estate និងជំនួយការផ្នែកលក់​គម្រោង។

SunCity Bassac ត្រូវបានវិនិយោគដោយ ​Anana Group ដែលជាក្រុមហ៊ុនធ្លាប់មានបទពិសោធន៍ លើការអភិវឌ្ឍគម្រោង SunCity BKK និង អគារការិយាល័យ Anana ។ ​

អគារខុនដូកម្ពស់ ២១ជាន់នេះ គឺជាគម្រោងទី ២ របស់ SunCity និងត្រូវបានគ្រប់គ្រង ដោយក្រុមហ៊ុន Anana Group ផងដែរ ។

បើតាមការឲ្យដឹងពី កញ្ញា ម៉ារ៉ា បុគ្គលិកជំនួយការផ្នែកលក់នៃគម្រោងបានបង្ហាញថា បច្ចុប្បន្នគម្រោង​ SunCity Bassac ដំណើរការសាងសង់បានប្រមាណជា ២០ភាគរយហើយ ដែលក្នុងនោះរួមមាន បន្ទប់ស្នាក់នៅ​សរុបចំនួន ១២០យូនីត កន្លែងហាត់ប្រាណ អាងហែលទឹក កន្លែងវាយកូនហ្គោល ជាដើម។

គួរបញ្ជាក់ថា គម្រោងនេះ មានទីតាំងឋិតនៅលើផ្លូវ ៤១ សង្កាត់ ទន្លេបាសាក់ ខណ្ឌចម្ការមន រាជធានីភ្នំពេញ៕