Post News Media ព័ត៌មានសេដ្ឋកិច្ច ខុនដូផាកវ៉េ ក...

ខុនដូផាកវ៉េ កម្ពស់ ៣៥ជាន់ តម្លៃជាង ១០០លានដុល្លារ នឹងបង្ហាញវត្តមាននៅតំបន់ទួលគោក

អ្នកវិនិយោគខ្មែរ និងចិន បានរួមគ្នាបោះទុនប្រមាណជាង ១០០លានដុល្លារអាមេរិក សាងសង់ខុនដូផាកវ៉េ នៅតំបន់ទួលគោក រាជធានីភ្នំពេញ។ នេះបើយោងតាមទីភ្នាក់ងារសារព័ត៌មានជាតិ ចេញផ្សាយកាលពីម្សិលមិញនេះ។

គម្រោងវិនិយោគខុនដូផាកវ៉េ មានទំហំផ្ទៃដីប្រមាណ ១៧ម៉ឺនម៉ែត្រការ៉េ មានកម្ពស់ ៣៥ជាន់ ស្មើនឹង ១៥០០យូនីត ហើយចាប់ផ្តើមបុកគ្រឹះសាងសង់ពី កាលពីខែ វិចិ្ឆកា ឆ្នាំ ២០១៦ គ្រោងនឹងបញ្ចប់នៅឆ្នាំ ២០២០ខាងមុខនេះ។

ជាមួយគ្នានេះ គម្រោងនេះ នឹងមានការសាងសង់អគារចំនួន ៣ គឺ អគារទីមួយមាន ២៩ជាន់ អគារទីពីរមាន ២៥ជាន់ និងអគារទីបី មាន ៣៥ជាន់ ហើយក្នុងនោះក៏មាន អាងហែលទឹក កន្លែងហាត់ប្រាណ ផ្សារទំនើប កន្លែងទទួលទានអាហារ កម្សាន្ត ហាងទំនិញ និងមានសាលារៀនផងដែរ។

គម្រោងវិនិយោគនេះ គឺការវិនិយោគរួមគ្នារបស់ក្រុមហ៊ុន Parkway Investment និងក្រុមហ៊ុន Nantong City Daxin Engineering របស់ចិន ដោយសារតែមើលឃើញពី សក្តានុពលវិស័យអចលនទ្រព្យនៅកម្ពុជា មានការរីកចម្រើន និងតម្រូវការខ្ពស់របស់ប្រជាជនផងដែរ៕

Loading...