Post News Media ព័ត៌មានសេដ្ឋកិច្ច នាវាទេសចរណ៍មក...

នាវាទេសចរណ៍មកពីសិង្ហបុរី នាំយកភ្ញៀវទេសចរណ៍ជាង ១៣០០នាក់ មកទស្សនា កម្ពុជា

នាវាទេសចរណ៍មកពីកំពង់ផែសិង្ហបុរី ដែលមានឈ្មោះថា Pacific Eden បាននាំយកភ្ញៀវទេសចរណ៍ប្រមាណជា ១៣០០នាក់ មកទស្សនាប្រទេសកម្ពុជា។ នេះបើយោងតាមគេហទំព័រ កំពង់ផែស្វយ័តក្រុងព្រះសីហនុ ចេញផ្សាយកាលពីម្សិលមិញនេះ។

នាវាទេសចរណ៍នេះ ជានាវាទី ២១ បានចូលចតនៅកំពង់ផែស្វ័យត ក្រុងព្រះសីហនុ មុននឹងចាកចេញទៅប្រទេសថៃ ហើយនាវានេះមានផ្ទុកភ្ញៀវទេសចរណ៍ចម្រុះជាតិសាសន៍ ១៣៥៤នាក់ និងមាននាវិកចំនួន ៦៣០នាក់ ។

កំណើនភ្ញៀវទេសចរទាំងនេះ ដោយសារបច្ចុប្បន្នប្រទេសកម្ពុជាមានសន្តិសុខ សុវត្ថិភាព និងមានការអភិវឌ្ឍរីកចំរើននូវហេដ្ឋារចនាសម្ព័ន្ធនានា ក្នុងដំណើរកម្សាន្តរបស់ភ្ញៀវទេសចរជាតិ និងអន្តរជាតិមកលេងកម្សាន្តនៅខេត្តព្រះសីហនុ ជាតំបន់ឆ្នេរសមុទ្រទាក់ទាញភ្ញៀវទេសចរ មិនចាញ់ខេត្តសៀមរាប អង្គរនោះទេ ជាពិសេសតំបន់កោះ មានដូចជា កោះរ៉ុង ជាដើម៕