ដើម្បីបង្កើនភាពងាយស្រួលដល់អ្នកធ្វើដំណើរក្នុងការទូទាត់ប្រាក់ តាមរយៈសេវាដឹកជញ្ជូនសាធារណៈរថយន្តក្រុងរាជធានីភ្នំពេញ នៅថ្ងៃនេះ រដ្ឋបាលរាជធានីភ្នំពេញ បានប្រារព្ធពិធីប្រកាសដាក់ឱ្យដំណើរការជាផ្លូវការ នៃការទូទាត់សាច់ប្រាក់តាមប្រព័ន្ធអេឡិចត្រូនិកនៅលើរថយន្តក្រុងសាធារណៈរាជធានីភ្នំពេញ ក្រោមអធិបតីភាពឯកឧត្តម ឃួង ស្រេង អភិបាល នៃគណៈអភិបាលអភិបាលរាជធានី និងអ្នកឧកញ៉ា គិត ម៉េង ប្រធានប្រឹក្សាភិបាលនៃធនាគារឯកទេសវីង។
ប្រព័ន្ធទូទាត់ប្រាក់ស្វ័យប្រវត្តិនេះ នឹងជួយសម្រួលបានច្រើនទាំងការគ្រប់គ្រងចំនួនអ្នកធ្វើដំណើរ ទាំងពេលវេលាក្នុងការទូទាត់សាច់ប្រាក់ បច្ចុប្បន្នអ្នកដំណើរតាមរថយន្តក្រុងរាជធានីភ្នំពេញ មានចំនួនច្រើនរហូតដល់ជាង ២ម៉ឺននាក់ ក្នុង១ថ្ងៃ។
ការប្រើកាតឆូត នៅពេលប្រើប្រាស់រថយន្តក្រុងសាធារណៈ នឹងផ្លាស់ប្តូរពីការប្រើប្រាស់ថវិកាដោយផ្ទាល់ មកជាការប្រើប្រាស់កាតប្រចាំខែ ឬប្រចាំឆ្នាំ ដែលបង្កភាពងាយស្រួលដល់ ការគ្រប់គ្រងចំណូលឲ្យមានប្រសិទ្ធភាព។
សាលារាជធានីភ្នំពេញ បានសម្រេចឲ្យរៀបចំមន្រ្តីជំនាញបច្ចេកទេស រៀបចំសៀវភៅបន្ទុក និងកិច្ចសន្យាស្តីពីការវិនិយោគលើការសិក្សា និងការបំពាក់ឧបករណ៍ទូទាត់តាមអេឡិចត្រូនិច។
លើសពីនេះទៅទៀត ការប្រើប្រាស់កាតឆូត នឹងកាត់បន្ថយចំនួនបុគ្គលិក លុបបំបាត់ភាពមិនប្រក្រតីផ្សេងៗ នឹងបង្កភាពងាយស្រួលដល់អ្នកធ្វើដំណើរផងដែរ គឺចំនេញពេលវេលា៕
![](https://i0.wp.com/postnews.com.kh/wp-content/uploads/2018/06/35534077_938230263024393_130670458675658752_o.jpg?fit=1000%2C666&ssl=1)
![](https://i0.wp.com/postnews.com.kh/wp-content/uploads/2018/06/35721715_938230026357750_6068822874108461056_o.jpg?fit=1000%2C666&ssl=1)
![](https://i0.wp.com/postnews.com.kh/wp-content/uploads/2018/06/35628961_938230373024382_5458822443017699328_o.jpg?fit=1000%2C666&ssl=1)
![](https://i0.wp.com/postnews.com.kh/wp-content/uploads/2017/03/17499281_1290217497681319_237630789335942777_n.jpg?fit=960%2C960&ssl=1)
![](https://i0.wp.com/postnews.com.kh/wp-content/uploads/2017/03/17629665_1290217524347983_42335492959834200_n.jpg?fit=960%2C640&ssl=1)
មតិយោបល់