អគារ KT Pacific CEO ជាអគារលំនៅដ្ឋានបែបពាណិជ្ជកម្ម ដែលមានកម្ពស់ ៣៣ជាន់ គ្រោងនឹងចំណាយដើមទុនប្រមាណ ២៥០លានដុល្លារអាមេរិក ដើម្បីអភិវឌ្ឍន៍នៅចំចំណុចកណ្តាលនៃ តំបន់ខណ្ឌ ៧មករាតែម្តង។ នេះបើតាមសេចក្តីប្រកាសព័ត៌មានរបស់ ក្រុមហ៊ុន KT Pacific Group។

ក្រោមការវិនិយោគរបស់ក្រុមហ៊ុន KT Pacific Group និងក្រុមហ៊ុនតៃវ៉ាន់ Li Xin Group អគារនេះ គ្រោងនឹងបុកគ្រឹះសាងសង់នៅខែកញ្ញា ឆ្នាំ ២០១៧ខាងមុខនេះ​ នឹងបញ្ចប់ទាំងស្រុងនៅឆ្នាំ ២០២០។

នៅក្នុងអគារ ៣៣ជាន់នេះ រួមមានការិយាល័យ សាលប្រជុំលំដាប់អន្តរជាតិ មហោស្រព បន្ទប់ប្រជុំ ភោជនីយដ្ឋាន អាងហែលទឹក សាលពិធីជប់លៀង បន្ទប់ហាត់ប្រាណ​ និងសណ្ឋាគារលំដាប់ផ្កាយ ៥។

KT Pacific CEO ស្ថិតនៅចំតំបន់មានសក្តានុពល ព័ទ្ធជុំវិញដោយ គម្រោងអភិវឌ្ឍន៍ធំៗ ដូចជា ទីក្រុងអូឡាំពិច ធនាគារវឌ្ឍន: ធនាគារកាណាឌីយ៉ា និងផ្សារទំនើបផាកហ្សិន នាពេលខាងមុខ។

គួរជម្រាបដែរថា អគារ KT Pacific CEO មានផ្ទៃក្រឡាប្រមាណ ៩ម៉ឺនម៉ែត្រការ៉េ គឺប្រមាណ ៩៧២យូនីត ក្នុងនោះ ១០៦យូនីត ជាការិយាល័យ៕