រយៈពេល ៧ខែដើមឆ្នាំ ២០១៧កន្លងទៅនេះ មានភ្ញៀវទេសចរកម្ពុជា ចេញទៅក្រៅប្រទេសចំនួន ៩៩ម៉ឺននាក់ កើនឡើងប្រមាណ២២ភាគរយ បើប្រៀបធៀបរយៈពេលដូចគ្នាឆ្នាំ ២០១៦។ នេះបើយោងតាមទីភ្នាក់ងារសារព័ត៌មានជាតិ។

ភាគច្រើននៃភ្ញៀវទេសចរកម្ពុជា ចេញទៅកម្សាន្តនៅប្រទេសថៃ វៀតណាម ម៉ាឡេស៊ី សិង្ហបុរី និងជប៉ុន ដែលកំណើននេះ បង្ហាញពីភាពប្រសើរឡើងនៃសេដ្ឋកិច្ចប្រទេសកម្ពុជា ពីមួយឆ្នាំទៅមួយឆ្នាំ។

កាលពីឆ្នាំមុន កម្ពុជា ទទួលបានភ្ញៀវទេសចរជាង ៥លាននាក់ កើនឡើងប្រមាណ ៥ភាគរយ។

សម្រាប់ឆ្នាំ​ ២០១៧នេះ កម្ពុជារំពឹងទទួលបានភ្ញៀវទេសចរ ៥.៤លាននាក់ និង ៧លាននាក់នៅឆ្នាំ ២០២០ ដែលរំពឹងរកចំណូលបាន ៥ពាន់លានដុល្លារអាមេរិក និងបង្កើតការងារដោយផ្ទាល់ ១លានកន្លែង៕