នៅថ្ងៃនេះ គេហទំព័រអចលនទ្រព្យអនឡាញ Realestate.com.kh បានប្រកាសជាសាធារណៈអំពី ព្រឹត្តិការណ៍តាំងពិព័រណ៍អចលនទ្រព្យកម្ពុជាលើកទី ២ ដែលនឹងប្រព្រឹត្តទៅ នៅថ្ងៃទី៦ និងទី៧ ខែតុលា ឆ្នាំ២០១៧ នៅសណ្ឋាគារណាហ្គាវើល ភ្នំពេញ។

លោក Tom O’Sullivan នាយកប្រតិបត្តិគេហទំព័រ Realestate.com.kh មានលើកឡើងថា គោល បំណងនៃ ការបង្កើតព្រឹត្តិការណ៍ពិព័រណ៍អចលនទ្រព្យកម្ពុជាលើកទី ២ គឺដើម្បីបង្ហាញ សក្តានុពលទីផ្សារអចលនទ្រព្យកម្ពុជា ទៅកាន់ពិភពលោក ហើយលោកជឿជាក់ថា អ្នកវិនិយោគអន្តរជាតិ នឹងចាប់អារម្មណ៍ជាមួយវិស័យអចលនទ្រព្យនៅកម្ពុជាតែម្តង បន្ទាប់ពីបានចូលរួម។

កម្មវិធីតាំងពិព័រណ៍លើកទី ១ កាលពីខែ ឧសភា ឆ្នាំ២០១៧ ទាក់ទាញភ្ញៀវជាង ៣,០០០នាក់មកពីគ្រប់ទិសទី ហើយទទួលបានលទ្ធផលជាវិជ្ជមាន ដោយមានការលក់អចលនទ្រព្យ គិតជាទឹកប្រាក់ប្រមាណ ៣លានដុល្លារ ក្នុងរយៈពេលពីរថ្ងៃ។

កម្ពុជា កំពុងទទួលបានការចាប់អារម្មណ៍យ៉ាងខ្លាំងពី សំណាក់វិនិយោគិនអចលនទ្រព្យអន្តរជាតិពី ទូទាំងតំបន់អាស៊ាន ប្រទេសចិន និងពិភពលោក ជាពិសេស ការដឹងយ៉ាងច្បាស់អំពីការផ្លាស់ប្តូរយ៉ាងឆាប់រហ័ស ដែលបានកើតឡើងនៅតាមទីក្រុងធំៗ ដូចជានៅ រាជធានីភ្នំពេញ ខេត្តព្រះសីហនុ និងខេត្តសៀមរាប។

គួរជម្រាបដែរថា ការតាំងពិព័រណ៍រយៈពេល ២ថ្ងៃនេះ មានគម្រោងអភិវឌ្ឍន៍អចលនទ្រព្យជិត ៣០​ចួលរួមដាក់បង្ហាញ មានសិក្ខាសាលានៅក្នុងពិព័រណ៍អចលទ្រព្យ ដែលមាន ៣ភាសា៖ ខ្មែរ អង់គ្លេស និងចិន ដើម្បីផ្តល់ភាពងាយស្រួលដល់ភ្ញៀវកិត្តិយសដែលបានចូលរួម ក៏មានវត្តមានចូលរួមដោយធនាគារ ធំនៅក្នុងប្រទេសកម្ពុជាផងដែរ រួមមាន ធនាគារ Bred Bank និងធនាគារ ANZ៕

ចុះឈ្មោះ និងចូលរួមដោយសេរី៖

//realestatekh.lpages.co/khmer-october-cambodia-real-estate-show-attendees/