Post News Media ព័ត៌មានសេដ្ឋកិច្ច ស្ពានបេតុង និ...

ស្ពានបេតុង និងស្ពានដែកបេឡេ ឆ្លងទន្លេសាប តម្លៃសរុប៤៥លានដុល្លារ បុកគ្រឹះជាផ្លូវការ

ស្ពានឆ្លងកាត់ទន្លេសាប ចំនួន ២ ត្រង់ចំណុចឫស្សីកែវ ដែលតភ្ជាប់ផ្លូវជាតិលេខ ៥ ទៅផ្លូវជាតិលេខ ៦អា នឹងចាប់ផ្តើមបុកគ្រឹះសាងសង់ជាផ្លូវការ ដោយចំណាយទឹកប្រាក់សរុបប្រមាណ ៤៥លានដុល្លារអាមេរិក។

ស្ពានបេតុងជ្រោយចង្វារថ្មី តម្លៃជាង ៣៥លានដុល្លារ ជាប្រភេទស្ពានបេតុងអារមេខ្សែកាប មានប្រវែងសរុប ៩២២ម៉ែត្រ ទទឹង ២០.៥ម៉ែត្រ។

គន្លងធ្វើចរាចរណ៍ មានចំនួន ២ខ្សែទៅ ២ខ្សែមក មានទទឹង ៣.៧៥ម៉ែត្រ ហើយកំណត់ល្បឿនសុវត្ថិភាពត្រឹម ៤០គីឡូម៉ែត្រ ក្នុង១ម៉ោង។

រីឯ ស្ពានដែកបេឡេបណ្តោះអាសន្ន តម្លៃជាង ១០លានដុល្លារ ប្រើពេលសាងសង់ ៦ខែ មានទំហំទទឹង ១២ម៉ែត្រ និងបណ្តោយ ៥០៦ម៉ែត្រ ឆ្លងកាត់ទន្លេសាប ត្រង់ចំណុចតំបន់អភិវឌ្ឍន៍ជ្រោយចង្វាររបស់ ក្រុមហ៊ុន OCIC។

គន្លងធ្វើចរាចរណ៍ មានចំនួន ២ខ្សែទៅ ២ខ្សែមក មានទ្រូងផ្លូវទទឹង ១០ម៉ែត្រ ហើយកំណត់ល្បឿនសុវត្ថិភាពត្រឹម ៣០គីឡូម៉ែត្រ ក្នុង១ម៉ោង។

ស្ពាននេះ ស្ថិតនៅចម្ងាយ ២២ម៉ែត្រ ពីគម្រោងស្ពានជ្រោយចង្វារថ្មី ដែលតភ្ជាប់ផ្លូវជាតិលេខ ៥ ត្រង់ចំណុចឫស្សីកែវ ទៅផ្លូវជាតិលេខ ៦អា ត្រង់តំបន់ជ្រោយចង្វារ។

បន្ទាប់ពីបញ្ចប់ការជួសជុលស្ពានជ្រោយចង្វារចាស់រួច ស្ពានដែកបេឡេនេះ នឹងត្រូវរុះរើចេញវិញ ក្រោយពេលស្ពានបេតុងថ្មី បានសាងសង់រួចរាល់ជាស្ថាពរ។

ដោយទីក្រុងភ្នំពេញ ស្ថិតចំចំណុចប្រសព្វនៃទន្លេចតុមុខ ទីតាំងដែលល្អសម្រាប់ការរស់នៅគឺ តំបន់ទាំង ៤ ដែលស្ថិតនៅជាប់ទន្លេ រួមមាន ទីក្រុងភ្នំពេញ តំបន់ជ្រោយចង្វារ តំបន់អរិយក្សត្រ និងតំបន់ច្បារអំពៅ។

គម្រោងសាងសង់ស្ពាននេះ អាចនឹងឆ្ពោះចំ តំបន់ឃ្លាំងសាំងសូគីម៉ិច ហើយសាលារាជធានីភ្នំពេញ គ្រោងបន្ថែមផ្លូវ ១ខ្សែទៀត បាញ់ទៅផ្លូវទំនប់ទួលគោក៕