ផ្ទះ ព័ត៌មានសេដ្ឋកិច្ច មន្ទីរពេទ្យជប...

មន្ទីរពេទ្យជប៉ុនសាន់រ៉ាយស៍ ចំណាយទុន ៣៥លានដុល្លារ ដាក់សម្ពោធប្រើប្រាស់ជាផ្លូវការ នៅថ្ងៃនេះ

0

ភ្នំពេញ: មន្ទីរពេទ្យជប៉ុនសាន់រ៉ាយស៍ ដែលបានចំណាយទុន ៣៥លានដុល្លារអាមេរិក ត្រូវដាក់សម្ពោធ ឲ្យប្រើប្រាស់ជាផ្លូវការ នៅព្រឹកថ្ងៃទី ២០ ខែកញ្ញា នេះ។ នេះបើយោងតាមគេហទំព័រហ្វេសប៊ុកផ្លូវការ របស់ សម្តេចតេជោ ហ៊ុន សែន បានចេញផ្សាយប្រមាណជា ១ម៉ោងមុននេះ។

ដោយមើលឃើញពីតម្រូវការចាំបាច់នៃសេវាសុខភាពសាធារណ: នៅកម្ពុជា មន្ទីរពេទ្យជប៉ុនសាន់រ៉ាយស៍ ត្រូវបានបង្កើតឡើងដោយលោកវេជ្ជបណ្ឌិត Kitahara ដែលចាប់ផ្តើមសាងសង់កាលពីចុងឆ្នាំ ២០១៤ នឹងចំណាយថវិកាអស់ ៣៥លានដុល្លារ ហើយមន្ទីរពេទ្យនេះ ក៏មានគម្រោងពង្រីកបន្ថែមចំនួន ២០លានដុល្លារទៀត នៅឆ្នាំ ២០១៩។

ក្នុងនោះដែរ មន្ទីរពេទ្យនេះមានសេវាសំខាន់ៗមួយចំនួនដូចជា៖

១. សេវាផ្នែកសង្រ្គោះបន្ទាន់ ២. ផ្នែកជំងឺដាច់សសៃឈាមខួរក្បាល និងផ្នែកវះកាត់ប្រព័ន្ធប្រសាទ ៣. ផ្នែកជំងឺទូទៅ និង ៤. ផ្នែកពិនិត្យសុខភាពទូទៅ។

គួរបញ្ជាក់ថា មន្ទីរពេទ្យនេះ មានទីតាំងស្ថិតនៅក្នុងភូមិ ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ឬលោកអ្នកអាចទំនាក់ទំនងតាមរយ:ទូរស័ព្ទលេខ៖ ០២៣ ៤៣ ២០ ២២៕

sunrise-japan-hospital-in-cambodia
Loading...