ព័ត៌មានសេដ្ឋកិច្ច

អូប័រល្បឿនលឿន ចំណាយត្រឹមតែ ១០ដុល្លារ និងរយៈពេល ២០នាទី ជិះទៅដល់កោះរ៉ុង

ក្រុមហ៊ុនជីធីវីស៊ី ស្ពីតបូត បានដាក់ឲ្យដំណើរការអូប័រល្បឿនលឿន ដឹកភ្ញៀវទេសចរ ទៅកាន់ដីកោះ ក្នុងខេត្តព្រះសីហនុ ដោយភ្ញៀវជាតិ និងអន្តរជាតិ ចំណាយត្រឹមតែ ១០ដុល្លារអាមេរិក ក្នុងមួយនាក់ នឹងរយ:ពេលប្រមាណ ២០-២៥នាទី ដើម្បីធ្វើដំណើរទៅកាន់កោះរ៉ុង(កោះតូច) ឬកោះរ៉ុងសន្លឹម។

លោក ម៉េង ហុង បុគ្គលិកផ្នែកលក់នៃក្រុមហ៊ុនជីធីវីស៊ី ស្ពីតបូត បានឲ្យ Post Business ដឹងថា ក្រុមហ៊ុនចាប់ផ្តើមដំណើរការ ចាប់ពីថ្ងៃទី ០៤ ខែតុលា នេះតទៅ ដោយតម្លៃសំបុត្រសម្រាប់ជិះទៅកាន់ដីកោះគឺ ១០ដុល្លារអាមេរិកក្នុងមួយនាក់ និងត្រលប់មកវិញម្នាក់ ១០ដុល្លារអាមេរិកដូចគ្នា។

ជាធម្មតា ទូកល្បឿនលឿន ចំណាយពេលប្រមាណជិត ១ម៉ោង ដើម្បីធ្វើដំណើរទៅកាន់កោះរ៉ុង ខណ:អូប័រល្បឿនលឿននេះ ចំណាយពេលត្រឹមតែ ២០ ទៅ ២៥នាទីប៉ុណ្ណោះ ហើយមានការត្រួតពិនិត្យសុវត្ថិភាពយ៉ាងត្រឹមត្រូវ និងបែងចែកជាលក្ខណ:គ្រួសារ និងលក្ខណ:ភ្ញៀវចម្រុះផងដែរ។

សមត្ថភាពផ្ទុកអ្នកដំណើររបស់អូប័រល្បឿនលឿននេះគឺ អាចផ្ទុកប្រមាណជា ៥០នាក់ ដែលមានបំពាក់ឧបករណ៍ការពារសុវត្ថិភាព មានការត្រួតពិនិត្យត្រឹមត្រូវ និងមានការព្យាករណ៍ពីអាកាសធាតុ មុននឹងចេញដំណើរ។

សម្រាប់ព័ត៌មានបន្ថែម សូមទំនាក់ទំនងទៅកាន់ ការិយាល័យក្រុងព្រះសីហនុ តាមរយ:ទូរស័ព្ទលេខ៖ 017 338821៕

14520331_559251074275406_6037643183325817642_n 14572416_1081725435274979_1807831871081310428_n

14523018_558437984356715_6005130512562448068_n 14523156_558437847690062_679128370850401712_n 14567619_558437887690058_1567925886473306273_o 14524993_1083697755077747_2658963151169899025_o

មតិយោបល់