ក្រុមហ៊ុន PTT Plc បានបង្ហាញពីគម្រោងពង្រីកអាជីវកម្មទូទាំងតំបន់អាស៊ាន ដែលក្នុងនោះ ក្រុមហ៊ុននឹងបន្ថែមស្ថានីយ៍ប្រេងឥន្ធន:រហូតដល់ ៩០ស្ថានីយ៍ទូទាំងប្រទេសកម្ពុជា ត្រឹមឆ្នាំ ២០២០ខាងមុខនេះ។
បច្ចុប្បន្ន ក្រុមហ៊ុន PTT Cambodia មាន ២៨ស្ថានីយ៍ទូទាំងប្រទេស ហើយនឹងបន្ថែមរហូតដល់ ៩០ស្ថានីយ៍ ត្រឹមឆ្នាំ ២០២០ ដែលការពង្រីកនេះ ស្ថិតក្នុងគម្រោងមេ បន្ថែមស្ថានីយ៍ប្រេងឥន្ធន:រហូតដល់ ៥០០កន្លែងទូទាំងតំបន់អាស៊ាន ក្នុងរយ:ពេល ៤ឆ្នាំទៀត ខណ:បច្ចុប្បន្នមាន ១៧០កន្លែង។
គម្រោងមេ គ្រោងនឹងចំណាយដើមទុន ៤.៥ពាន់លានបាត និងរំពឹងទទួលបានចំណូល ២៤.៥ពាន់លានបាត ក្នុងមួយឆ្នាំ។
ប្រទេសកម្ពុជា ត្រូវបានចាត់ទុកជា ទីផ្សារដែលមានសក្តានុពលខ្ពស់ ដែលប្រើប្រាស់ប្រេងសាំងប្រមាណ ៣៥០០លានលីត្រ ក្នុងមួយឆ្នាំ ហើយក្នុងនោះ PTT ផ្គត់ផ្គង់បាន ២០០លានលីត្រផងដែរ។
គួរជម្រាបផងដែរថា PTT Plc ក៏គ្រោងនឹងបើក ហាងកាហ្វេ Amazon ២០០កន្លែងបន្ថែមទៀត ខណ:បច្ចុប្បន្នមាន ៣៧កន្លែង៕
មតិយោបល់