ជប៉ុនៈ មានកន្លែង និងអ្វីថ្មីៗជាច្រើន ដែលជប៉ុនបានអនុវត្តបច្ចេកវិទ្យាបង្កើត នាពេលបច្ចុប្បន្ននេះ។ ជាក់ស្ដែងដូចជាកុំព្យូទ័រយួរដៃ ដែលយើងកំពុងប្រើ ដើម្បីធ្វើការងារមានប្រភពមកពីណា? ក្រុមហ៊ុនជប៉ុន Toshiba គឺជាអ្នកផលិតពួកវាដំបូង សម្រាប់ទីផ្សារដ៏ធំមួយ។ បើយោងតាមការវិភាគរបស់ Forbes ជប៉ុនត្រូវបានគេចាត់ទុកថា​ ស្ទើរតែ ១០% នៃក្រុមហ៊ុនច្នៃប្រឌិតរបស់ៗថ្មីបំផុត នៅលើពិភពលោក។ តើអ្នកចង់ដឹងទេថា អ្វីទៅជាការបានបង្កើតថ្មីរបស់ជប៉ុន ដែលបានផ្លាស់ប្តូរពិភពលោកនាពេលបច្ចុប្បន្ននេះ?

១. រថភ្លើង Bullet

បានចាប់ផ្ដើមបង្កើត កាលពីខែតុលា ឆ្នាំ១៩៦៤ ដោយមានជើងធ្វើដំណើររវាងតូក្យូ និងអូសាកា ជាទីក្រុងពីរដ៏ធំរបស់ជប៉ុន ដែលវាជាមធ្យោបាយធ្វើដំណើរយ៉ាងល្អ សម្រាប់ជិះទៅធ្វើការងារ។ រថភ្លើងនេះ មានល្បឿន ២១០ គីទ្បូម៉ែត្រក្នុងមួយម៉ោង។

២. ម៉ាស៊ីនគិតលេខ Pocket

ជាឧបករណ៍តូចមួយ ដែលផ្ដល់ភាពងាយស្រួយ សម្រាប់មនុស្សក្នុងការគិតលេខដូចជា វិក័យប័ត្រទំនិញ ឬអាចនិយាយបានថា វាជាស្មាតហ្វូនមួយ ដែលមានកម្មវិធីគណនាលេខ។

៣. Walkman

ត្រូវបានបង្កើតទ្បើងនៅក្នុងឆ្នាំ ១៩៧៩ វាជាឧបករណ៍ស្ដាប់តន្ត្រី ដូចជា iPod ចឹងដែរ។

៤. ពន្លឺភ្លើង Blue LED

ជាពន្លឺភ្លើង LED ពណ៌ខៀវ ត្រូវបានបង្កើតទ្បើងនៅឆ្នាំ ១៩៩០ ដោយអ្នកវិទ្យាសាស្ត្រ ៣ រូបរបស់ជប៉ុន គឺលោក Isamu Akasaki លោក Hiroshi Amano និងលោក Shuji Nakamura ។

៥. មនុស្សយន្ត Android

ការច្នៃប្រឌិតវិទ្យាសាស្ត្រមួយ ត្រូវបានបង្កើតទ្បើងក្នុងឆ្នាំ ២០០៣ ជាមួយប្រព័ន្ធប្រតិបត្តិការមនុស្សយន្ត Android ដែលអាចនិយាយ និងមានសកម្មភាពដូចមនុស្ស៕