Post News Media ព័ត៌មានសេដ្ឋកិច្ច អាជីវកម្មសន្ល...

អាជីវកម្មសន្លឹកថ្នាំជក់ស្ងួត អាចដាក់ពាក្យស្នើសុំនាំចេញដោយរួចពន្ធទៅ វៀតណាម

ផលិតករ ឬអ្នកនាំចេញ ដែលកំពុងប្រកបអាជីវកម្មទាក់ទងសន្លឹកថ្នាំជក់ស្ងួត អាចដាក់ពាក្យស្នើសុំមកកាន់ក្រសួងពាណិជ្ជកម្ម ដើម្បីនាំចេញសន្លឹកថ្នាំជក់ស្ងួតទៅប្រទេសវៀតណាមដោយរួចពន្ធ។ នេះបើយោងតាមគេហទំព័រហ្វេសប៊ុកផ្លូវការរបស់ក្រសួងពាណិជ្ជកម្ម ចេញផ្សាយកាលពីម្សិលមិញនេះ។

ក្រោមកិច្ចសម្របសម្រួលជម្រុញពាណិជ្ជកម្មទ្វេភាគី រវាងកម្ពុជា និងវៀតណាម ភាគីវៀតណាម បានយល់ព្រមផ្តល់ភាពអនុគ្រោះពន្ធ ០% នូវមុខទំនិញចំនួន ៣៩បន្ទាត់ពន្ធ ដល់ភាគីកម្ពុជា ដោយរួមបញ្ចូលមុខទំនិញអង្ករចំនួន ៣០០ពាន់តោន រៀងរាល់ឆ្នាំ និងសន្លឹកថ្នាក់ជក់ស្ងួតចំនួន ៣ពាន់តោន សម្រាប់ឆ្នាំ ២០១៦-២០១៧។

ដូច្នោះ ក្រសួងពាណិជ្ជកម្ម សូមជូនដំណឹងដល់ម្ចាស់អាជីវកម្មទាក់ទងសន្លឹកថ្នាំជក់ស្ងួត ដែលបានចុះបញ្ជីក្នុងប្រព័ន្ធអនុគ្រោះពាណិជ្ជកម្ម និងបានបំពេញកាតព្វកិច្ចពន្ធដារឆ្នាំ ២០១៦រួច អាចដាក់ពាក្យស្នើសុំមកកាន់ក្រសួងពាណិជ្ជកម្ម (នាយកដ្ឋាននាំចេញ-នាំចូល) រៀងរាល់ម៉ោងធ្វើការ ចាប់ពីថ្ងៃនេះ រហូតដល់ថ្ងៃទី ១១ ខែវិច្ឆិកា ឆ្នាំ ២០១៦។

គួរបញ្ជាក់ថា ក្នុងកិច្ចសម្របសម្រួលជម្រុញពាណិជ្ជកម្មទ្វេភាគី ភាគីកម្ពុជា ក៏យល់ព្រមផ្តល់ភាពអនុគ្រោះពន្ធ ០% នូវមុខទំនិញចំនួន ២៩បន្ទាត់ពន្ធ ដល់ភាគីវៀតណាមផងដែរ៕

14883481_1328713940474814_1970473604044648629_o %e1%9e%9f%e1%9e%93%e1%9f%92%e1%9e%9b%e1%9e%b9%e1%9e%80%e1%9e%90%e1%9f%92%e1%9e%93%e1%9e%b6%e1%9f%86%e1%9e%87%e1%9e%80%e1%9f%8b%e1%9e%9f%e1%9f%92%e1%9e%84%e1%9e%bd%e1%9e%8f 14908186_1328716857141189_6636432420847456050_n