ក្នុងពេលមានផ្ទៃពោះដំណាក់កាលដំបូង ស្ត្រីភាគច្រើនតែងជួបប្រទះនូវបញ្ហាចាញ់កូន គ្រាន់តែអ្នកខ្លះចាញ់រយៈពេលខ្លី ហើយអ្នកខ្លះទៀតចាញ់រយៈពេលយូរទើបបាត់ទៅវិញ។

ជាទូទៅរោគសញ្ញានៃការចាញ់កូន កើតឡើងក្នុងអំឡុងត្រីមាសដំបូង ឬបន្ទាប់ពីសប្តាហ៍ទី៤ នៃការមានផ្ទៃពោះ។ ក៏ប៉ុន្តែបើយោងតាមគេហទំព័រ boldsky បានបង្ហាញ ដើម្បីដោះស្រាយទុក្ខលំបាក់មួយនេះ អ្នកអាចសាកល្បងទទួលទានឱសថ២យ៉ាង ដែលមានប្រសិទ្ធភាពកាត់បន្ថយបញ្ហាភ្លាមៗ។

ទី១. តែខ្ញី
អ្នកគ្រាន់តែហាន់ខ្ញី២ទៅ៣ចំណិចដាក់ទៅក្នុងទឹកក្តៅ រួចទទួលទានមួយថ្ងៃឲ្យបាន៣ដង នោះបញ្ហានឹងធូរស្រាល។

ទី២. ក្រូចឆ្មា
ហាត់ក្រូចឆ្មា២ទៅ៣ចំណិតស្តើង ត្រៀមទុកសម្រាប់ជញ្ជក់រាល់ពេលដែលអ្នកចាប់ផ្តើមមានអារម្មណ៍ចង្អោរ។ ធ្វើបែបនេះ អាចជួយឲ្យអ្នកមានអារម្មណ៍ធម្មតាវិញ។

ក្រៅពីនេះ អ្នកត្រូវបរិភោគផ្លែ ប៉ោម ឪឡឹក ក្រូច ប៊ឺរី…ជារៀងរាល់ថ្ងៃ ដើម្បីឲ្យរាងកាយនឹងទទួលបានវីតាមីន ជាតិសរសៃ និងទឹកគ្រប់គ្រាន់ ដែលអាចការពារបញ្ហាក្អួតចង្អោរពេលចាញ់កូនបាន។

មួយវិញទៀត អ្នកកុំរំលងការទទួលទានអាហារឲ្យសោះ បើទោះបីជាអ្នកញ៉ាំមិនបានច្រើក៏ដោយ ព្រោះវាអាចជួយឲ្យអ្នកមានកម្លាំងទប់ទល់ជាមួយនឹងបញ្ហាការចាញ់កូន។

ចំណាំ៖ ប្រសិនបើអ្នកមានបញ្ហាចាញ់កូនធ្ងន់ធ្ងរ រួមទាំងមានសុខភាពខ្សោយទៀតនោះ ត្រូវប្រញាប់ទៅជួបជាមួយគ្រូពេទ្យ ដើម្បីរកដំណោះស្រាយ៕