បរទេសៈ ជារៀងរាល់ថ្ងៃ ស្បែករបស់អ្នកតែងតែ ទទួលរងការយារយី ពីពពួកបាក់តេរី និងធូលីពីបរិស្ថានខាងក្រៅ ដែលបណ្ដាលឲ្យស្បែករបស់អ្នក ប្រឈមនឹងបញ្ហាដូចជា ប្រេង រន្ធញើសធំ ហានិភ័យនៃការស្ទះរន្ធញើស ដោយសារភាពកខ្វក់ទាំងនោះ ដែលចុងបញ្ចប់វានឹងបង្កឲ្យកើតមានមុន នៅលើផ្ទៃមុខរបស់អ្នក។

វិធីសាស្រ្តងាយៗ ក្នុងការជួយកាត់បន្ថយរន្ធញើស ដោយការផ្លាស់ប្ដូរ ក៏ដូចជាការសម្អាតធូលី និងជាតិពុលចេញពីក្នុងស្បែក ព្រមទាំងការពារស្បែកមុខរបស់អ្នក ពីភាពខូចនោះ គឺការឆ្ពុងមុខ ជាវិធីសាស្ត្រដ៏ប្រសើរបំផុត។ ខាងក្រោមនេះ ជាវិធីសាស្ត្រ ក្នុងការឆ្ពុងមុខនៅឯផ្ទះ៖

ជំហានទី១: ការរៀបចំគ្រឿងផ្សំ
– ជីវ៉ាន់ស៊ុយ, ម្សៅ baking soda, កន្សែងស្ដែងមួយ និងទឹក ដែលប្រើសម្រាប់ឆ្ពុង។

ជំហានទី២: សម្អាតស្បែក
– លាយម្សៅ baking soda មួយស្លាបព្រាពេញ ជាមួយទឹក ២ ស្លាប់ព្រា រួចអនុវត្តលាបនៅលើផ្ទៃមុខ និងម៉ាស្សារាងជារង្វង់ រយៈពេលមួយនាទី បន្ទាប់មកលាងទឹកចេញ។ ជំហាននេះ អាចជួយលាងសម្អាតស្បែក និងជម្រុះកោសិកាស្បែកងាប់ ដែលស្ទះចេញពីរន្ធញើសបាន។
ចំណាំ: កុំប្រើម្សៅ baking soda នៅពេលស្បែក ដែលស្បែកមុខកំពុងមានរបួស។

ជំហានទី៣: ឆ្ពុងមុខ
– បន្ថែមឱសថមួយចំនួន ចូលទៅក្នុងចានទឹកក្តៅ បន្ទាប់មកឱនមុខចុះ ២៥ សង់ទីម៉ែត្រពីផ្ទៃខាងលើចាន។
– គ្របកន្សែងស្តើងលើក្បាល ត្រង់កន្លែងចានក្តៅ ទុករយៈពេល ៥ ទៅ ៧នាទី ដើម្បីជួយឲ្យរន្ធញើសរីក។

ជំហានទី៤: ជូតសម្អាតមុខឲ្យស្ងួត

ជំហានទី 5: ធ្វើឲ្យស្បែកមុខមានតុល្យភាព
– ប្រើសំឡីទន់លាយជាមួយទឹក ជូត និងផ្ដិតថ្នមៗ នៅលើផ្ទៃមុខរបស់អ្នក
ជំហាននេះ អាចជួយយកភាពកខ្វក់ ដែលស្ថិតនៅជ្រៅចេញពីក្នុងរន្ធញើសបាន។

ជំហានទី៦: ផ្ដល់សំណើម
– លាបក្រេមផ្ដល់សំណើម ដល់ស្បែកមុខ ដើម្បីជួយបង្កើនសំណើម និងធ្វើឲ្យស្បែកមុខភ្លឺទន់រលោង៕