ភាគច្រើនជំងឺគាំងបេះដូង និងដាច់សរសៃឈាមខួរក្បាល កើតមានចំពោះមនុស្សវ័យចំណាស់តែប៉ុណ្ណោះ ក៏ប៉ុន្តែបច្ចប្បន្ននេះសូម្បីតែមនុស្សវ័យក្មេងក៏ប្រឈមនឹងជំងឺនេះដែរ ដូច្នេះអ្នកចាំបាច់ត្រូវថែក្សាសុខភាពឲ្យបានល្អ។

ទោះជាយ៉ាងណាកាលពីពេលថ្មីៗនេះ អ្នកវិទ្យាសាស្ត្របានរកឃើញផ្លែឈើពីរប្រភេទ ដែលមានសមត្ថភាពអាចការពារសរសៃឈាមយ៉ាងមានប្រសិទ្ធភាព ដោយគ្រាន់តែទទួលទានវារាល់ថ្ងៃតែប៉ុណ្ណោះ។

បើយោងដែលចុះផ្សាយនៅក្នុងកាសែត Clinical Investigation Insight បានបង្ហាញថា ការទទួលទានផ្លែចេក ឬផ្លែប៊ឺរ ជាប្រចាំអាចជួយរក្សាបេះដូងឲ្យមានសុខភាពល្អ ព្រោះវាមានផ្ទុកបរិមាណនៃសារធាតុប៉ូតាស្យូមដ៏សម្បូរបែប។

អ្នកស្រាវជ្រាវបានធ្វើការសាកល្បងទៅលើសត្វកណ្តុរ បានរកឃើញថា សត្វកណ្តុរដែលត្រូវបានផ្តល់សារធាតុប៉ូតាស្យូមតិចមានបញ្ហាសរសៃឈាមអាកទែកាន់តែខ្លាំង ខណៈសត្វកណ្តុរដែលត្រូវបានផ្តល់សារធាតុប៉ូតាស្យូមច្រើនបញ្ហាសរសៃឈាមបានចុះគួរឲ្យកត់សម្គាល់។

ក្រោយពីបានធ្វើតេស្ត លោកវេជ្ជបណ្ឌិត Paul Sanders មកពីសាកលវិទ្យាល័យ Alabama បានសន្និដ្ឋានថា កម្រិតប៉ូតាស្យូមទាបក្នុងឈាម ងាយនឹងធ្វើឲ្យសរសៃឈាមមានការរលាកឆាប់បំផុត។

ចាប់ពីពេលនោះមក អ្នកស្រាវជ្រាវបានលើកទឹកចិត្តឲ្យគ្រប់គ្នា ទទួលទានចេក ឬផ្លែប៊ឺរជារៀងរាល់ថ្ងៃ ដើម្បីបង្កើនសុខភាពសរសៃឈាមបេះដូង។ ជាពិសេស ផ្លែចេក និងផ្លែប៊ឺរ ជាអាហារសម្បូរទៅដោយសារធាតុប៉ូតាស្យូម ដែលអាចជួយការពារសរសៃឈាមអាកទែ ទប់ស្កាត់ជំងឺសរសៃឈាមក្រហម ការពារជំងឺគាំងបេះដូង និងជំងឺដាច់សរសៃឈាមខួរក្បាលផងដែរ៕

ប្រភព៖ soha