ព័ត៌មានសុខភាព

ប្រយ័ត្ន!កុមារដែលញ៉ាំហតដកលើស១២គ្រាប់ក្នុងមួយខែ ប្រឈមនឹងជំងឺមហារីក៩ដង

តាមការស្រាវជ្រាវមួយដោយសាកលវិទ្យាល័យ University of Southern California បានបង្ហាញថា កុមារដែលបរិភោគ សាច់ក្រកហតដក ច្រើនជាង១២គ្រាប់ក្នុងរយ:មួយខែ អាចប្រឈមនឹងជំងឺមហារីក ខ្ពស់ជាង​កុមារ​ដែល​មិនបាន​ញ៉ាំ​រហូត​ដល់​ទៅ​៩ដង។

ការសិក្សាមួយទៀតក៏បានរកឃើញដែរថា កុមារដែលបរិភោគសាច់ក្រកហតដក ម្តងក្នុងមួយសប្តាហ៍​អាចប្រឈមនឹង​ហានិភ័យ​នៃបញ្ហាសុខភាព​តិចតួច។ ក៏ប៉ុន្តែសម្រាប់ស្ត្រីពពោះ​ដែលបរិភោគសាច់ក្រកដតដក ជាញឹកញាប់ អាចបង្កើនហានិភ័យ​នៃជំងឺមហារីក​ខួរក្បាល​ដល់ទារកក្នុងផ្ទៃខ្ពស់បំផុត។

សាច់ក្រកត្រូវបានគេរកឃើញថា មានផ្ទុកសារធាតុនីត្រាត(nitrate) ដែលត្រូវបានគេប្រើប្រាស់រក្សា ហតដក ទុកឲ្យបានយូរ និងធ្វើឲ្យសាច់មានពណ៌ក្រហម។ ប្រសិនបើគ្មានភាពចាំបាច់នោះទេ អ្នកគួរតែឈប់ទទួលទានសាច់ក្រកប្រភេទនេះ ហើយកុំគិតថា វាជាប្រភពនៃប្រូតេអ៊ីនសម្រាប់កុមារឲ្យសោះ។

លើពីនេះទៅទៀត សាច់ក្រកហតដក មានគុណភាពទាប សម្បូរជាតិខ្លាញ់ច្រើន ជាតិសូដ្យូមខ្ពស់ និងផ្ទុក​សារធាតុគីមី​បង្ការ​មិនឲ្យឆាប់ខូច។ នេះជាមូលហេតុដែលធ្វើឲ្យអ្នកចូលចិត្តទទួលទានមានបញ្ហាសុខភាព ជាពិសេសកុមារតូចៗតែម្តង។

ដើម្បីជៀសផុតពីហានិភ័យផ្សេងៗចំពោះសុខភាព អ្នកគួរតែហាមប្រាមចំពោះកុមារ កុំឲ្យទទួលទានសាច់ក្រកហតដក ញឹកញាប់​ពេក ហើយប្រសិនជាអាចឈប់​តែម្តងគឺកាន់តែល្អ៕

ប្រភព: rak sukapap

មតិយោបល់