អូស្ត្រាលីៈ ប្តីប្រពន្ធអូស្រ្តាលីមួយគូ រីករាយយ៉ាងខ្លាំង ក្នុងការចែករំលែករូបថត កូនៗដ៏ស្រស់ស្អាតទាំង ៥នាក់របស់ពួកគេ ដែលទើបនឹងកើត នៅក្នុងឆ្នាំនេះ។ នេះបើយោងតាមរយៈ សារព័តមានបរទេស ចេញផ្សាយនៅថ្ងៃទី១០ ខែឧសភា ឆ្នាំ២០១៦។

អ្នកស្រី Kim Tucci អាយុ ២៦ឆ្នាំ និងប្តីរបស់គាត់ លោក Vaughn Tucci មកពីទីក្រុង Perth ភាគខាងលិច ប្រទេសអូស្រ្តាលី បានរីករាយយ៉ាងខ្លាំង ក្នុងការស្វាគមន៍កំណើតកូនភ្លោះទាំង ៥នាក់ ដោយក្នុងនោះ រួមមានកូនប្រុសម្នាក់ ឈ្មោះ Keith និងកូស្រីចំនួន ៤នាក់ទៀត ឈ្មោះ Ali, Penelope, Tiffany និង Beatrix។

គួរបញ្ជាក់ផងដែរ ជាមធ្យមក្នុងមួយសប្តាហ៍ អ្នកស្រី Kim បានប្រើកន្ទបទារក សម្រាប់ផ្លាស់ប្តូរចំនួន ៣៥០ ក្រណាត់ ហើយជារៀងរាល់ថ្ងៃ ទារកទាំងនោះ ត្រូវការបរិភោគអាហារចំនួន ៨ដងក្នុងមួយថ្ងៃឯណ្ណោះ។

ទោះបីមើលទៅដូចជា ហត់នឿយណាស់ក៏ពិតមែន ប៉ុន្តែអ្នកស្រី បានឲ្យដឹងថា ប្តីរបស់គាត់ មានអារម្មណ៍ថា មានសុភមង្គលយ៉ាងខ្លាំង ដោយសារគាត់យល់ឃើញថា កម្រកនឹងមានគូស្វាមីភរិយាណា អាចទទួលបានកំណើតកូនភ្លោះច្រើនបែបនេះទេ៕