តាមច្បាប់ធម្មជាតិ ស្ត្រីគ្រប់រូបត្រូវតែមករដូវម្តងក្នុងមួយខែ ហើយមានការឈឺចាប់បំផុតរយ:ពេល ៤ទៅ ៦ថ្ងៃ។ បើទោះបីជាអ្នកមិនអាចដោះស្រាយបញ្ហាឈឺចាប់បាន ប៉ុន្តែរឿងដ៏សំខាន់បំផុតដែលអ្នកត្រូវធ្វើ គឺថែរក្សាសុខភាពខ្លួនឯងឲ្យបានល្អក្នុងអំឡុងពេលនេះ។
ក្រៅពីធ្វើអនាម័យផ្ទាល់ខ្លួនហើយ អ្នកគួរតែបញ្ឈប់ទម្លាប់អាក្រក់ដូចខាងក្រោមឲ្យបាន:
១.ប្រើប្រាស់សំឡីអនាម័យតែមួយពេញមួយថ្ងៃ
ការមិនបានផ្លាស់ប្តូរសំឡីពេញមួយថ្ងៃ អាចបង្កឲ្យឆ្លងមេរោគ និងមានក្លិនអាក្រក់។ អ្នកគួរតែផ្លាស់ប្តូរចេញ នៅរៀងរាល់ ៣ទៅ ៥ម៉ោងម្តង ដើម្បីឲ្យសំឡីស្រូបយកសំណើមបានល្អ។
២.កម្ចាត់រោម
នៅពេលមករដូវ អ្នកកំពុតែមានអារម្មណ៍ឈឺចាប់ស្រាប់ទៅហើយ ហេតុនេះកុំធ្វើឲ្យទ្វារមាសមានការឈឺចាប់បន្ថែមទៀតអី។
៣.រួមភេទមិនបានការពារ
អ្នកត្រូវចាំថា ក្នុងពេលមករដូវឱកាសនៃការឆ្លងមេរោគមានកម្រិតខ្ពស់ណាស់ ដូច្នេះប្រសិនបើអ្នកចង់រួមភេទ មិនត្រូវភ្លេចប្រើស្រោមនោះទេ។
៤.ធ្វើលំហាត់ប្រាណ
ក្នុងដំណាក់កាលនេះ រាងកាយកំពុងតែចុះខ្សោយ ប៉ុន្តែបើអ្នកធ្វើលំហាត់ប្រាណទៀតនោះ រាងកាយនឹងទទួលរងនូវសម្ពាធកាន់តែខ្លាំង ដែលអាចបណ្តោលឲ្យមានផលវិបាកផ្សេងៗកើតឡើង។
៥.រំលងអាហារ
ក្នុងអំឡុងពេលនេះអ្នកកំពុងតែបាត់បង់ថាមពល និងឈាមជាច្រើនចេញពីរាងកាយ ហេតុនេះអ្នកកុំរំលងអាហារឲ្យសោះ ទោះហូបបានតិចក៏ត្រូវតែប្រឹងលេបដែរ។
៦.ទទួលទានអាហារកណ្តោលអាធ្រាត
ការទទួលទានអាហារនៅពេលនេះ អាចបង្កឲ្យគ្រោះថ្នាក់ដល់រាងកាយ ជាពិសេសអាហារដែលសម្បូរជាតិខ្លាញ់ ធ្វើឲ្យប្រព័ន្ធរំលាយអាហារមិនអាចបំបែកអស់នោះទេ។
៧.គេងបានតិច
ទោះបីជាការមករដូវធ្វើឲ្យអ្នកឈឺចាប់ពិបាកគេងនៅពេលយប់ក៏ដោយ អ្នកត្រូវតែព្យាយាមសម្រាកឲ្យបានច្រើន ដោយសារតែរាងកាយរបស់អ្នកហត់នឿយជាមួយនឹងការទទួលសម្ពាធពេញមួយថ្ងៃទៅហើយ។
៨.ទទួលទានផលិតផលទឹកដោះគោ
អ្នកគួរតែជៀសវាង ផលិតផលដែលធ្វើពីទឹកដោះគោ ព្រោះវាមានផ្ទុកអាស៊ីត arachidonic ដែលអាចធ្វើឲ្យអ្នកមានការឈឺចាប់កាន់តែអាក្រក់ខ្លាំងឡើង។
៩.ចូលចិត្តធ្វើរឿងក្រៀមក្រំ
ជៀសវាងធ្វើអ្វីដែលខ្លួនឯងមិនសប្បាយចិត្ត ដូចជា មើលភាពយន្តបែបកម្សត់ និងស្តាប់ចម្រៀងស្រងេះស្រងោចជាដើម ការធ្វើបែបនេះអាចប៉ះពាល់ដល់សុខភាពផ្លូវចិត្តរបស់អ្នក៕
មតិយោបល់