សត្វឆ្មា ត្រូវមនុស្សមួយចំនួនចូលចិត្តចិញ្ចឹម ដើម្បីឲ្យចាប់កណ្តុរនៅក្នុងផ្ទះ ប៉ុន្តែលោកអ្នកប្រហែលជាមិនទេថា ទឹកមាត់សត្វឆ្មា មានគ្រោះថ្នាក់ណាស់ចំពោះមនុស្ស។ ជាក់ស្តែង ដោយសារតែស្រឡាញ់ខ្លាំងពេក ទើបស្ត្រីម្នាក់ដែលរស់នៅក្នុងទីក្រុង អូហៃយ៉ូ បានបណ្តោយឲ្យសត្វឆ្មាលិឍមុខមាត់របស់នាង រហូតដល់ខ្វាក់ភ្នែកម្ខាងមើលអ្វីលែងឃើញ។

បើយោងតាមគេហទំព័រ beextrahealthynow បានបង្ហាញថា សត្វអាចចម្លងមេរោគតាមរយៈទឹកមាត់ និងរោមរបស់វា។ បាក់តេរីទាំងនោះមានគ្រោះថា្នក់ខ្លាំងណាស់ ព្រោះវាអាចឆ្លងចូលទៅក្នុងថ្លើម ហើយធ្វើប្រព័ន្ធឈាមដំណើរការខុសប្រក្រតី តែបើធ្ងន់ធ្ងរអាចធ្វើឲ្យរលាកស្រោមខួរបានទៀតផង។ ពពួកបាក់តេរីដ៏មានគ្រោះថ្នាក់ទាំងនេះ អាចកើតមានឡើងសត្វឆ្មា និងសត្វចិញ្ចឹមដ៏ទៃទៀត តែវាគ្មានបង្កគ្រោះដល់សុខភាពរបស់សត្វនោះទេ ផ្ទុយទៅវិញគឺមនុស្សទេដែលជាអ្នករងគ្រោះ។

ដូច្នេះ អ្នកត្រូវឧស្សាហ៍លាងដៃជាមួយសាប៊ូឲ្យបានស្អាត បន្ទាប់ពីប្រលែងលេងជាមួយសត្វចិញ្ចឹម ហើយកុំបណ្តោយពួកគេលិឍមុខ និងផ្នែកផ្សេងនៃរាងកាយរបស់អ្នកឲ្យសោះ ជាពិសេសកន្លែងដែលមានរបួស៕
សូមទស្សនាវីដេអូខាងក្រោម៖

https://www.youtube.com/watch?v=RyP8rIEdOkM