Post News Media ព័ត៌មានសុខភាព ស្វែងយល់ពីការ...

ស្វែងយល់ពីការកកើតរូបរាងរបស់ទារក តាំងពីដំណាក់កាលដំបូង រហូតដល់គ្រប់លក្ខណ:

ទោះបីមនុស្សស្ទើតែទាំងអស់កើតមកមិនដូចគ្នា តែធម្មជាតិនៃការកកើតដំបូងគឺដូចគ្នាទាំងអស់។ ដំណើរការកកើតនេះ មានដំណាក់កាលផ្សេងៗគ្នា ទៅតាមអាយុកាលរបស់ទារក ដែលមើលទៅគួរឲ្យចាប់អារម្មណ៍មែនទែន។

ដំណាក់កាលដំបូងបំផុត
ដំណាក់កាលនេះ ជាពេលវេលាដែលមេជីវិតឈ្មោលដែលខ្លាំងបំផុត​ បានទម្លុះចូលក្នុងស្បូនមនុស្សស្រី ហើយក្លាយស៊ុតដ៏សែនតូចមួយ។ ដំណាក់កាលនេះ​ មានរយ:ពេល២៤ម៉ោង ដើម្បីសម្រេចថាកូនរបស់អ្នក ជាប្រុស ឬស្រី។

អាយុ ៤សបា្តហ៍
ក្នុងពេលនេះ ស៊ុតនោះបានក្លាយទៅជាអំប្រ៊ីយ៉ុងមួយ ដែលមានទំហំ២មីលីម៉ែត្រ។ ដំណាក់កាលនេះ ទារកចាប់ផ្តើមលេចចេញជារូបរាងខ្លះ ដូចជាក្បាល ដើមទ្រូង ពោះវៀន
ដៃនិងជើង។

អាយុ ៨សប្តាហ៍
នៅក្នុងដំណាក់កាលនេះ ទារកមានប្រវែង២សង់ទីម៉ែត្រ ហើយចាប់ផ្តើមមានភ្នែក ត្រចៀក និងច្រមុះ។

អាយុ ១២សប្តាហ៍
ពេលវេលានេះ ទារកអាចចាប់ផ្តើមកម្រើកម្រាមដៃរបស់ខ្លួន ព្រោះវាដំណាក់កាលដែលទារកត្រូវមានចលនា ហើយលោកអ្នកនឹងមើលកាយវិការរបស់ពួកគេតាមរយ:ការថតអេកូ។

អាយុ ១៦សប្តាហ៍
ទារកដែលមានអាយុ ១៦សប្តាហ៍ឡើងទៅ ចាប់ផ្តើមកម្រើកភ្នែក ហើយអាចមើលឃើញពន្លឺ និងអាចស្តាប់សម្លេងដែលអ្នកបាននិយាយ។

អាយុ ២០សប្តាហ៍
ចាប់ពីអាយុ ២០សប្តាហ៍ ទារកមានទំហំប៉ុនផ្លែចេកធម្មតាមួយផ្លែ ហើយពួកគេអាចនឹងមានចលនាច្រើនជាងមុន ប្រើសិនទារកមានសុខភាពល្អ។

អាយុ ២៤សប្តាហ៍
ខួរក្បាល និងសួត របស់ទារកចាប់ផ្តើមរីកធំឡើង ហើយអ្នកម្តាយប្រហែលជាមានអារម្មណ៍ដឹងថាកូនក្នុងផ្ទៃរបស់គេ មានអាការត្រអើកម្តងម្កាលផងដែរ។

អាយុ ២៨ខែ
មកដល់ដំណាក់កាលនេះ ទារកមានទំហំប៉ុនផ្លែត្រប់វែងមួយផ្លែ ហើយទារកនឹងមានចាប់ឡើងទម្ងន់យ៉ាងឆាប់រហ័សក្នុងដំណាក់នេះ។

អាយុ ៩ខែ
ទារកដែលមានអាយុ ៩ខែ កាន់តែខំប្រឹងស្រូបយកជីវជាតិជាច្រើន និងជាតិខ្លាញ់មួយចំនួន ដើម្បីរក្សាកម្តៅក្នុងខ្លួនរបស់ពួកគេ។

ដំណាក់កាលចុងក្រោយ
ដំណាក់កាលនេះ ភាគច្រើនមានរយ:ពេល ៩ខែ១០ថ្ងៃ គឺជាពេលវេលាដែលទារកត្រូវចាប់កំណើត ចេញមកបង្ហាញខ្លួន ចំពោះមុខឪពុកម្តាយរបស់គេ៕

លោកអ្នកអាចទស្សនាដំណើរនៃកកើតនេះ តាមរយ:វិដេអូរខាងក្រោម៖