Post News Media ព័ត៌មានសុខភាព គ្រាន់តែបន្ថែ...

គ្រាន់តែបន្ថែមល្ហុងទុំទៅក្នុងរបបអាហាររាល់ថ្ងៃ អ្នកនឹងជៀសផុតពីជំងឺកាចសាហាវ៣មុខ

ល្ហុងទុំ គឺជាផ្លែឈើមួយប្រភេទដែលមានរសជាតិផ្អែមឆ្ងាញ់ ហើយក៏មានមនុស្សជាច្រើនចូលចិត្តខ្លាំងណាស់។ ប៉ុន្តែ​មនុស្សតិចណាស់​ដែល​ដឹង​ថា ល្ហុងទុំពិតជាមានគុណប្រយោជន៍យ៉ាងក្រាស់ក្រែលសម្រាប់សុខភាព។ បើយោតាមគេហទំព័រ healthyandnaturalworld បានចុះផ្សាយថា ល្ហុងទុំ​សម្បូរទៅដោយ​សារធាតុរ៉ែ វីតាមីន និងសារធាតុប្រឆាំងអុកស៊ីតកម្ម ដែលអាចការពារជំងឺកាចសាហាវ ៣មុខ។



១.ជំងឺទឹកនោមផ្អែម

ទោះបីជាផ្លែឈើប្រភេទនេះមានរសជាតិផ្អែមពិតមែន ប៉ុន្តែគ្រូពេទ្យជាច្រើនបានណែនាំឲ្យជំងឺទឹកនោមផ្អែម ទទួលទានរាល់ថ្ងៃ ព្រោះសារធាតុចិញ្ចឹម​ដែលមានវត្តមាន​នៅក្នុងផ្លែល្ហុងអាចជួយកាត់បន្ថយការអភិវឌ្ឍនៃជំងឺទឹកនោមផ្អែមប្រភេទទី២បាន។

២.មហារីក
សារធាតុប្រឆាំងអុកស៊ីតកម្មពីធម្មជាតិដែលមាននៅក្នុងផ្លែល្ហុង ពិតជាមានឥទ្ធិពលអាចជួយទប់ស្តាត់ការអភិវឌ្ឍនៃជំងឺមហារីកពោះវៀនធំ និងមហារីក​ក្រពេញប្រូស្តាត​យ៉ាងពូកែបំផុត។

៣.ជំងឺបេះដូង
ក្រៅពីជាតិសរសៃ និងបេតាការ៉ូទីន ល្ហុងទុំគឺសម្បូរទៅដោយសារជាតិប៉ូតាស្យូម ដែលល្អបំផុត​ក្នុងការ​កាត់បន្ថយ​ហានិភ័យ​នៃជំងឺសរសៃឈាមបេះដូងផងដែរ។

ដោយសារតែឃើញពីគុណសម្បត្តិបែបនេះហើយ ទើបអ្នកជំនាញបានផ្តល់អនុសាសន៍ឲ្យអ្នករាល់គ្នា​បន្ថែមល្ហុងទុំទៅក្នុង​របបអាហារជាប្រចាំថ្ងៃ៕