បញ្ហាថ្លោះគ្រេច ដែលបង្កឡើងដោយសារតែជំពប់ជើងដួល ឬដោយសារតែឧបទ្ទវហេតុផ្សេងៗ អាចបង្កឲ្យហើម ហើយមានការឈឺចាប់ខ្លាំងណាស់។ ហេតុនេះហើយ អ្នកត្រូវប្រញាប់ព្យាបាលភ្លាមៗទើបបាន ក៏ប៉ុន្តែបើយោងតាមគេហទំព័រ soha បានបង្ហាញថា អ្នកអាចព្យាបាលបញ្ហាហើមកជើងដោយមិនចំបាច់ចំណាយប្រាក់ឡើយ។
ខាងក្រោមនេះ គឺជាវិធីធម្មជាតិ៣មុខ ដែលអាចព្យាបាលបញ្ហាហើមកជើងយ៉ាងឆាប់រហ័សបំផុត:
អំបិល
សារធាតុម៉ាញេស្យូមដែលមាននៅក្នុងអំបិល អាចជួយន្ធួរបន្ថយការឈឺចាប់សាច់ដុំ និងសរសៃប្រសាទដែលមានបញ្ហាគ្រេច។ ចូរដាក់អំបិលកន្លះពែងនៅក្នុងទឹកក្តៅឧណ្ឌៗ ២-៣លីត្រ បន្ទាប់មកត្រាំជើងរបស់អ្នកប្រហែលជា ១៥នាទី ការឈឺចាប់នឹងជាយ៉ាងឆាប់រហ័ស។
ខ្ទឹមស
ខ្ទឹមសក៏ជាផ្នែកមួយនៃឱសថដែលអាចជួយព្យាបាលបញ្ហាហើមយ៉ាងមានប្រសិទ្ធភាពផងដែរ ដោយសារតែវាមានផ្ទុកសមាសធាតុសំខាន់ៗជាច្រើន។ សូមយកខ្ទឹមស២ទៅ៣កំពឹសបុកឲ្យម៉ត់ រួចលាយជាមួយនឹងប្រេងដូងក្តៅឧណ្ឌ១ស្លាបព្រាបាយ។ បន្ទាប់មកលាបត្រង់កន្លែងមានរបួសចំនួន៣០នាទី ទើបលាងសម្អាតជាមួយនឹងទឹកក្តៅឧណ្ឌៗ។ ប៉ុន្តែ ដើម្បីឲ្យឆាប់ជាអ្នកត្រូវធ្វើបែបនេះឲ្យបាន ២ទៅ៣ដងក្នុងមួយថ្ងៃ។
ខ្ទឹមក្រហម
ខ្ទឹមក្រហមមានផ្ទុកសារធាតុប្រឆាំងនឹងការរលាក បំបាត់ការឈឺចាប់ និងហើម យ៉ាងពូកែ។ ដូច្នេះ អ្នកត្រូវខ្ទឹមក្រហមមួយមើម ហាន់ជាបន្ទះស្តើងៗយកទៅបិទកន្លែងរបួស ហើយប្រើកូនកន្សែងចងឲ្យជាប់។ ប្រើដៃរបស់អ្នកសង្កត់ពីលើតិចៗចំនួន ១០នាទី តែត្រូវធ្វើបែបនេះមួយថ្ងៃ ២ទៅ៣ដង ទើបឆាប់ជា៕
មតិយោបល់