ក្នុងរយ:ពេលប៉ុន្មានឆ្នាំចុងក្រោយនេះ មានស្ត្រីជាច្រើនបានចាប់អារម្មណ៍ទៅលើការប្រើប្រាស់ស្វាយទុំ ព្រោះវាមានផ្ទុកវីតាមីន សារធាតុចិញ្ចឹម ព្រមទាំងសារធាតុប្រឆាំងនឹងអុកស៊ីតកម្មដែលអស្ចារ្យបំផុតសម្រាប់ស្បែក និងសក់។ បើយោងតាមគេហទំព័រ boldsky ក៏បានបង្ហាញផងដែរថា ស្វាយទុំពិតជាផ្តល់អត្ថប្រយោជន៍សំខាន់ៗ៩យ៉ាង ចំពោះសុខភាពស្បែកក្បាល និងសរសៃសក់។
១.ចិញ្ចឹម និងថែបំប៉នសរសៃសក់ឲ្យមានសុខភាពល្អ
២.ជម្រុញកំណើនសក់ឲ្យដុះកាន់តែច្រើន
៣.ព្យាបាលបញ្ហាអង្គែលើស្បែកក្បាល
៤.បង្ការសក់ស្កូវមុនអាយុ
៥.ជួយឲ្យសក់ទន់ ហើយភ្លឺរលោង
៦.ជួយជុលបញ្ហាសក់ខូច
៧.បង្ការបញ្ហាជ្រុះសក់
៨.ជួយដោះស្រាយបញ្ហាសក់ជំពាក់ ឬកណ្តាញ់
៩.ទប់ស្កាត់មិនឲ្យមានបញ្ហាសក់ផុយ ងាយបាក់
របៀបប្រើប្រាស់ស្វាយទុំ:
១.យកស្វាយទុំមួយផ្លែចិតសំបកចេញ រួចចិតយកតែសាច់បានហើយ
២.សូមកិន ឬប្រើស្លាបព្រាសង្កត់ឲ្យក្លាយជាល្បាយ
៣.បន្ទាប់មកលាបនៅលើស្បែកក្បាល និងសក់ឲ្យសព្វល្អ
៤.សូមអនុវត្តរៀងរាល់ពេលល្ងាចជាប្រចាំ ក្នុងមួយសប្តាហ៍យ៉ាងហោចណាស់ ៣ដង។
បន្ទាប់ពីប្រើប្រាស់ផ្លែស្វាយបានរយ:ពេល១ខែ អ្នកនឹងសង្កេតឃើញភាពខុសប្លែកនៃសក់ដោយខ្លួនឯង ប៉ុន្តែអ្នកត្រូវព្យាយាមប្រើប្រាស់ឲ្យបានទៀងទាត់៕
មតិយោបល់