ព័ត៌មានសុខភាព

ចង់រួមភេទពេលមានផ្ទៃពោះឲ្យមានសុវត្ថិភាព គួរជៀសវាង៤ចំណុចនេះ

តើការរួមភេទក្នុងពេលមានផ្ទៃពោះ​បង្កឲ្យមានហានិភ័យ​ដែរឬទេ? វាពិតជាមានសុវត្ថិភាព​ប្រសិនបើ​ភាគគីទាំងពីរ​ចេះអនុវត្ត​ការរួមភេទ​បាន​ត្រឹមត្រូវ។ បើយោងតាមគេហទំព័រ thehealthsite បានបង្ហាញថា ការប្រព្រឹត្ត​សកម្មភាព​រួមភេទ​របស់គូស្នេហ៍​មួយចំនួន​អាចធ្វើឲ្យ​រលូតកូន ហើយស្លាប់ទាំងម្តាយ​ថែមទៀត គឺដោយសារ​តែ​ពួកគេ​មិនបាន​អនុវត្តតាម​អនុសាសន៍​របស់​អ្នកជំនាញ។

ដូច្នេះហើយ លោកវេជ្ជបណ្ឌិត Rajan Bhonsale បានផ្តល់ដំបូលន្មានថា ប្រសិនបើគូស្នេហ៍គ្រប់រូប​អាចជៀសវាង ៤ចំណុចនេះ​បាន ការរួមភេទ​ក្នុងពេល​មានផ្ទៃពោះ​មិនប៉ះពាល់​នោះឡើយ។

១.ផ្អាករួមភេទនៅត្រីមាសដំបូង
គ្រូពេទ្យបានណែនាំឲ្យគូស្នេហ៍ផ្អាកការរួមភេទក្នុងអំឡុងពេលមានផ្ទៃពោះ ៣ខែដំបូង ព្រោះវាជាពេលវេលា​ដ៏សំខាន់​ដែលទារក​អភិវឌ្ឍ។ ប៉ុន្តែប្រសិនបើអ្នកធ្វើសកម្មភាព​រួមភេទខ្លាំង នៅក្នុងអំឡុងពេលនេះ​អាចបង្កឲ្យរបូត​ទងសុក។

២.ផ្អាករួមភេទខែចុងក្រោយនៃការមានផ្ទៃពោះ
លោកវេជ្ជបណ្ឌិត Bhonsale បានថ្លែងឲ្យដឹងថា ការធ្វើសកម្មភាពរួមភេទ​នៅខែចុងក្រោយ​នៃការមានផ្ទៃពោះ គឺរឿងដ៏​ប្រថុយប្រថាន​ដូចការរួមភេទនៅត្រីមាស​ទី១ដែរ។ ហេតុនេះ គូស្នេហ៍ទាំងឡាយ គួរតែផ្អាកការរួមភេទ​ជាបណ្តោះអាសន្នសិន។

៣.ឲ្យបុរសគ្រប់គ្រងលើសកម្មភាព
ការឲ្យបុរសនៅពីលើមិនមែនជាទីតាំងដែលល្អសម្រាប់​រួមភេទ​ក្នុងពេលមានផ្ទៃពោះ​នោះទេ ព្រោះវាអាច​ដាក់សម្ពាធ​ទៅលើពោះ​កាន់​តែខ្លាំង។ ហេតុនេះហើយ ទើបអ្នកជំនាញ​បានផ្តល់​អនុសាសន៍ ឲ្យមនុស្សស្រី​នៅពីលើវិញ ទើបអាចគ្រប់គ្រង​ដងស៊ីតេ​នៃសកម្មភាព​បានល្អ ហើយមានសុវត្ថិភាព​ចំពោះទារកក្នុងផ្ទៃ។

៤.រួមភេទពេលសុកបាំងមាត់ស្បូន
ក្នុងករណីដែលសុកបាំង​ជិតមាត់ស្បូន អ្នកមិនត្រូវប្រព្រឹត្តសកម្មភាព​រួមភេទនោះឡើយ ព្រោះវា​អាចបង្កឲ្យ​មានគ្រោះថ្នាក់​ដល់ទារក​ក្នុងផ្ទៃ។

អាស្រ័យហេតុនេះ ប្រសិនបើគូស្នេហ៍ទាំងឡាយមិនចង់ជួបញ្ហាអាក្រក់ដល់កូន និងម្តាយនោះទេ អ្នកគួរតែជៀសវាងឲ្យបាន៕

មតិយោបល់