ជំងឺមហារីក ត្រូវបានគេចាត់ទុកថាជាឃាតករសាហាវខ្លាំងបំផុតដែលអាចឆក់យកជីវិតមនុស្សរាប់ពាន់នាក់ក្នុងមួយឆ្នាំៗ ហើយរហូតមករដល់ពេលនេះ មិនទាន់មានអ្នកជំនាញរូបណារកឃើញថ្នាំព្យាបាលឲ្យជាសះស្បើយទាំងស្រុងនោះឡើយ។ ប៉ុន្តែអ្នកអាចជួយសង្គ្រោះជីវិតឲ្យរួចផុតពីសេចក្តីស្លាប់បាន ប្រសិនបើដឹងពីរោគសញ្ញាំបូងរបស់វា។ ដូច្នេះប្រសិនបើអ្នកសង្កេតឃើញរោគសញ្ញាណាមួយ ដែលកើតមាននៅលើខ្លួនអ្នកដូចការបង្ហាញខាងក្រោមនេះ សូមប្រញាប់ទៅពិគ្រោះជាមួយគ្រូពេទ្យភ្លាម។
- វិលមុខ ឬហូរឈាមតាមច្រមុះញឹកញាប់
- ចេះតែខ្សោយ និងអស់កម្លាំង
- ក្អករ៉ាំរ៉ៃ ឬឈឺទ្រូង
- ឈឺចាប់ខុសធម្មតាពេលមករដូវ ឬហូរឈាមនៅចន្លោះពេលមករដូវ
- ពិបាកលេប
- ចេះតែហើមកូនកណ្តុរនៅម្តុំក ក្រោមក្លៀក ឬក្រលៀន
- ស្រកទម្ងន់ដោយមិនដឹងមូលហេតុ
- ហូរឈាមតាមរន្ធគូថ ឬតាមលាមក
- រលាក ឬកើតស្នាមជាំខ្មៅនៅលើស្បែក និងមានហូរឈាម
- សុដន់ឈឺចាប់ពណ៌ឡើងក្រហម ឬហើម
- ដុះឬស ឬប្រជ្រុយនៅលើស្បែក
ទាំងអស់នេះហើយ គឺជារោគសញ្ញាដំបូងនៃជំងឺមហារីកដែលអ្នកគួរតែប្រុងប្រយ័ត្ន ហើយដើម្បីកុំឲ្យមានការសង្ស័យច្រើនសូមធ្វើការពិនិត្យឲ្យបានច្បាស់លាស់៕
មតិយោបល់