ព័ត៌មានសុខភាព

ឆ្ងាញ់យ៉ាងណាក៏ដោយ បើមិនចង់ឈឺកុំបរិភោគគ្រឿងក្នុងសត្វច្រើនពេក

ថ្វីបើជាគ្រឿងក្នុងសត្វមានផ្ទុកសារធាតុចិញ្ចឹមច្រើនយ៉ាងណាក៏ដោយ ប៉ុន្តែប្រសិនបើអ្នកទទួលទានគ្មានដែនកំណត់ត្រឹមត្រូវ ច្បាស់ជាបង្កផលលំបាកធ្ងន់ធ្ងរដល់សុខភាពជាមិនខាន។

ការទទួលទានបេះដូង និងថ្លើមសត្វ អាចជួយឲ្យរាងកាយរបស់កុមារ ឬស្ត្រីមានផ្ទៃពោះ ទទួលបានជាតិដែកគ្រប់គ្រាន់សម្រាប់ប្រយុទ្ធប្រឆាំងជាមួយនឹងភាពស្លេកស្លាំង។ មិនតែប៉ុណ្ណោះ សរីរាង្គទាំងនេះមានផ្ទុកវិតាមីន A ដែលល្អសម្រាប់ភ្នែក បង្កើនប្រព័ន្ធភាពស៊ាំ និងជួយជំរុញឲ្យរាងកាយកុមារលូតលាស់បានល្អ។

ផ្ទុយទៅវិញ ប្រសិនបើអ្នកទទួលទានគ្រឿងក្នុងសត្វច្រើនពេក អាចបង្កឲ្យមានជំងឺប្រព័ន្ធរំលាយអាហារ សម្ពាធឈាមឡើងខ្ពស់ បញ្ហាសរសៃឈាមបេះដូង ទឹកនោមផ្អែម តម្រងនោម រលាកសន្លាក់ និងលើសទម្ងន់ …។ ជាពិសេសមនុស្សវ័យចំណាស់ និងអ្នកដែលកើតជំងឺទាំងនេះស្រាប់ គួរតែកំណត់ការទទួលទានឲ្យបានត្រឹមត្រូវ។

ម្យ៉ាងវិញទៀតអ្នកត្រូវដឹងថា ទាំងសាច់ និងគ្រឿងក្នុងជ្រូកមានប្រូតេអ៊ីនទាបជាងត្រីពាក់កណ្តោល ក៏ប៉ុន្តែបើកូឡេស្តេរ៉ុលវិញគឺខ្ពស់ជាងឆ្ងាយណាស់។ គ្រាន់តែអ្នកញ៉ាំគ្រឿងក្នុងជ្រូកត្រឹមតែ១០០ក្រាម គឺកូឡេស្តេរ៉ុលកើនឡើងច្រើនជាងកូឡេស្តេរ៉ុលដែលអ្នកត្រូវការប្រចាំថ្ងៃរហូតដល់ទៅ៨ដង (មានន័យថ្ងៃក្នុងមួយថ្ងៃអ្នកត្រូវការកូឡេស្តេរ៉ុលត្រឹមតែ២៥០ទៅ៣០០ក្រាមប៉ុណ្ណោះ)។

ចំពោះកុមារដែលទទួលទានគ្រឿងក្នុងសត្វច្រើនពេកអាចបណ្តោលឲ្យឡើងទម្ងន់ និងប៉ះពាល់ដល់ការអភិវឌ្ឍខួរក្បាល។ មិនតែប៉ុណ្ណោះសម្រាប់អ្នកដែលមានបញ្ហាតម្រងនោម មានបញ្ហាប្រព័ន្ធរំលាយអាហារ ធាត់ជ្រុល កូឡេស្តេរ៉ុលក្នុងឈាមឡើងខ្ពស់ ជំងឺសរសៃឈាមបេះដូង និងសម្ពាធឈាមឡើងខ្ពស់ បើបរិភោគច្រើនកាន់តែមានគ្រោះថ្នាក់។

ដូច្នេះ ដើម្បីកាត់បន្ថយគ្រោះថ្នាក់ដល់សុខភាព អ្នកគួរទទួលទានមួយសប្តាហ៍២ទៅ៣ដងបានហើយ ហើយក្នុងមួយដងកំណត់ត្រឹមតែ ៥០ទៅ៧០ក្រាមសម្រាប់មនុស្សពេញវ័យ ចំណែកកុមារចាប់ពី៣០ទៅ៥០ក្រាម៕

ប្រភព: soha

មតិយោបល់